George Flowers (Politiker, 1920)
George Flowers (* 1920) is en Politiker ut Brietsch-Honduras (PUP, HIP).
Flowers is 1920 boren.[1] He weer Arbeider in Orange Walk. Flowers weer in de People’s United Party (PUP) un in de General Workers’ Union (GWU) aktiv. 1952 is he GWU-Vörsitter för’n Distrikt Orange Walk worrn.[1]
Bi de Parlamentswahl in Brietsch-Honduras 1954 weer he Kannedaat för de PUP in’n Wahlkreis Orange Walk un hett de Wahl mit 64,6 % von de Stimmen gegen William George von de NP wunnen.
1956 hett binnen de PUP de Flögel ünner George Cadle Price de Bavenhand kregen un Price hett den Parteivörsitt von Leigh Richardson övernahmen. Dorüm sünd Flowers un en Reeg annere Maten von’n Richardson/Goldson-Flögel ut de PUP rut un hebbt an’n 4. Oktober 1956 de Honduran Independence Party (HIP) grünnt.
Bi de Wahl 1957 weer Flowers Kannedaat för de HIP in’n Wahlkreis Orange Walk un hett 7,9 % von de Stimmen kregen. He keem op’n drüdden Platz achter Victor Orellana von de PUP un William George von de NP.
Dormit weer he von 1954 bet 1957 Maat von de Legislativversammlung.
