Gerald Asamoah

Gerald Asamoah (* 3. Oktober 1978 in Mampong, Ghana) is en düütsch Footballspeler.

Asamoah bi de Nationalmannschap (Juni 2005)

Karriere

Vereen

Asamoah leevt siet sien twalft Levensjohr in Düütschland, un hett de sülvig Schoolklass besöcht as sien dormalig Vereenskolleeg Fabian Ernst un fung sien Loopbahn as Footballspeler 1990 bi BV Werder Hannober an.

1994 wessel he to de Profimannschap vun Hannober 96. Nahdem Asamoah 1998 mit Hart- und Kreisloopproblemen to kämpen harr, wurr vun de Dokters en hypertrophe nicht-obstruktive Kardiomyopathie (HNCM) faststellt, de mit en Verdickung vun de Hartscheidewand einhergeiht, wat wedderum sien Footballkarriere gefährden dee. Mediziner hebbt hüm de Raad geven, sien Loopbahn to beenden, jedoch kunn hüm en US-amerikaansch Hartspezialist entscheedend helpen, so dat he sien Footballkarriere wieder maken kunn. Dat verbleeven Risiko vun een Prozent drocht de Speler sülvst. De Vereen kreeg as Uplaag seggt, dat he immer an den Speelfeldrand en Defibrillator vörtohollen.

1999 wessel he to FC Schalke 04, mit de he 2001 un 2002 den DFB-Pokal as ok 2005 den Ligapokal winnen dee. Anfang vun de Saison 2005/06 wurr he dör en Kneeverletzung torüchsmeeten, aber he kunn sück weer in de Schalker Stamm-Mannschap torüchkämpen. An‘ 28. September 2006 brook sück Asamoah in dat UEFA-Pokalspeel vun FC Schalke 04 bi AS Nancy nah en swoor Foul dat linke Schien- un Wadenbeen. Nah söss Maand kunn he sein Comeback bi dat Speel tegen VfB Stuttgart an‘ 17. März 2007, as he in de 76. Minüüt inwesselt wurr.

In de Saison 2007/08 hett he in‘ DFB-Pokal in de eerst Runn en Hattrick tegen Eintracht Trier schafft, den eersten in sien DFB-Pokal-Karriere. In‘ Januar 2008 hett he sien Verdrag mit Schalke um dree Jahre bit to’n 30. Juni 2011 verlängert.

An‘ 1. Juni 2010 wurr bekannt geven, dat Asamoah to’n Upstieger FC St. Pauli wesseln dee. To glieker Tiet wurr aber ok vereenbort, dat he nah sien twee Johr bi St. Pauli weer nah Schalke torüch kommen kann. Wegen Verletzung hett he aber eerst an‘ 19. September 2010 sien eerst Plichtspeel för de Hamborger maken kunnt. 2011 is he denn to den Vereen SpVgg Greuther Fürth wesselt.

Gerald Asamoah hörrt tosommen mit Sebastian Kehl un Simon Rolfes as Vertreder vun de 1. Bundsliga to de Spelerraat vun Vereenigung vun de Verdragsfootballspeler (VdV) an.

Nationalmannschap

Nah sien Inbörgerung 2001 wurr Gerald Asamoah as eerst gebürtiger Afrikaner in en DFB-Utwahl beropen un hett sien eerst Speel an 29. Mai 2001 makt und orbi ok glieks een Door schaaten. Insgesamt hett he bit 2006 43 Spelen makt un dorbi 6 Doren schaaten.

Sonstiges

Gerald Asamoah is glöövend Christ un vertellt in Warken as de Fußball-Bibel vun David Kadel vun sien Gloov un dessen Relevanz för de Alldag. He wark ok in Kadel sien Football-Dokumentation Fußball-Gott (2002) mit un trett as Gospel-Singer up.

2007 hett he in Hannober de „Gerald-Asamoah-Stiftung für herzkranke Kinder“ grünnd. Langfristig Ziel is de Upbau vun en Kinnerhartzentrum in de ghanaisch Hööftstadt Accra. Asamoah unterstütt todem de Helpswarken ora international un World Vision.

Privatleven

Asamoah is verheiraadt un hett dree Kinner, dorünner Twillings.

Wat he schafft hett

Vereen

• Deutscher Vize-Meester 2001, 2005, 2007 un 2010
• DFB-Pokalwinner 2001 un 2002
• Viez-Pokalwinner 2005
• Ligapokal-Winner 2005
• UEFA Intertoto Cup-Winner 2003 un 2004

Nationalmannschap

• Viez-Weltmeester 2002 in Süüdkorea un Japan
• 3. Platz bi de Weltmeesterschap 2006 in Düütschland
• 3. Platz bi de Konföderationen-Pokal 2005 in Düütschland

Weblinks

Gerald Asamoah. Mehr Biller, Videos oder Audiodateien to’t Thema gifft dat bi Wikimedia Commons.

• Gerald Asamoah in de Daten vun kicker.de
• Gerald Asamoah Stiftung für Herzkranke Kinder