Gerhard Großkopf (* 22. Februar 1932 in Berlin; † 22. Februar 2018 in Stood) weer en düütschen Waterbobeamten un Ornitholoog.

Großkopf is 1932 in Berlin boren un hett dor later Bowesen studeert. 1955, 1956 un 1958 weer he as Vagelwart op Wangeroog. Von dor is he in’n Juni 1959 in de Neddersassische Waterweertschopsverwaltung (later dat Staatliche Amt för Water un Affall) wesselt. 1971 is he as Bodirekter Baas von de Waterweertschopsverwaltung in Stood worrn un is dor denn bet 1995 bleven. In dat Johr is he in Rohstand gahn.

He weer von 1995 bet 2002 Vörsitter von’n NABU-Kreisverband Stood. He is 1965 Maat von’n Mellumraad worrn un weer dor siet 2004 Ehrenmaat. He hett Böker över de Vagelwelt op Wangeroog un in’n Landkreis Stood schreven un sik för Vagelschuul insett.

Warken ännern

  • Die Vögel der Insel Wangerooge. Willemshoben 1968
  • Die Vogelwelt des Landkreises Stade. (mit Dieter Klaehn), Schaumburg, Stood 1983, ISBN 3-87697-010-5
  • Die Vogelwelt von Wangerooge. Holzberg, 1989, ISBN 3-87358-323-2