Gericht Francop

Dat Gericht Francop weer en lütt Patrimonialgericht un Verwaltungsrebeed in Bremen-Veern un in dat Königriek Hannover mit Seet in Francop binnen de Landdrostie Stood. Dor hett blots dat Rebeed von den Oort Francop tohöört. Gerichtsherrn weren toeerst de Familie von Düring un later de Familie von dem Bussche.

Historie

1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Francop leeg in disse Tied in de Mairie Hasselwarder in’n Kanton Buxthu. 1813 müssen de Franzosen dat Rebeed denn opgeven un de ole Stand is wedderkamen.

Bi de Verwaltungs- un Justizreform an’n 1. Oktober 1852 is dat Gericht Francop Deel von dat Amt Jörk worrn.

Öörd Stand 1848

	Oort	Lüüd	Hüüs	Aard	Status
1	Francop mit Graft	530	70	Dörp	Gemeen
	Good Francop un Brackenborg	26	2	Eddelgöder	keen Gemeen
2	Hohewisch (Deel)	146	17	Dörp	Gemeen

Inwahnertall

Johr	Inwahners
1810-00-001810	531 Lüüd, 86 Füürsteden
1823-00-001823	508 Lüüd, 92 Hüüs
1848-00-001848	702 Lüüd, 89 Hüüs

Richters

• ~1830/1840: Prokurater Johann Siade August Postels, Buxthu
• ~1850: tweten Greev Carl Wilhelm Matthias Büttner, Jörk