Gertrud Cornelius

Gertrud Cornelius (borene Schwarting; * 26. August 1893 in Sengwarden; † 27. Januar 1987 in Lümborg) weer en plattdüütsche Schrieversche.

Schwarting is 1893 as Dochter von en Pastoor in Sengwarden boren. Se weer op de Volksschool in Atens, von 1905 af an op de Realschool in Nordenham un von 1908 af an op en Privatschool in Ellerwürden. Von 1909 bet 1913 weer se op de Böverrealschool in Bremerhoben. Na de School hett se bet 1919 an de Universität Göttingen Düütsch, Engelsch un Franzöösch studeert un dat Staatsexamen för dat Högere Lehramt maakt. Later hett se in Adendörp leevt.

1973 hett Cornelius den Neddersassischen Verdeenstorden 1. Klass kregen.

Se weer verheiraadt mit den Studienraad Paul Cornelius.

Warken

• Dat Spinnwubb un anner Geschichten. Na Chroniken un Karkenböker ut de gar nich jümmer gode ole Tiet. Mettcker, Jever 1973
• Unner’t Strohdack un anner Geschichten. Mehrstendeels na Karkenböker, Chroniken un ole Papieren - ut de gar nich jümmer gode ole Tied. Männer vom Morgenstern, Bremerhoben 1993

Kiek ook bi

• List vun plattdüütschen Schrieverschen

Weblenken

• Gertrud Cornelius in de Datenbank Die niederdeutsche Literatur (hoogdüütsch)

De Artikel „Gertrud Cornelius“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.