Giovanni Rossignoli

Giovanni Rossignoli (* 3. Dezember 1882 in Pavia; † 27. Juni 1954 ok dor) weer en italieensch Radrennfohrer.

Loopbahn ännern

Giovanni Rossignoli weer Profi-Radrennfohrer van 1903 bit 1914 un van 1919 bit 1927. Wiels sien sportlich Loopbahn weer he vun groot Konstanz, wenn he ok en ganz grooten Erfolg nich schafft hett.

Glieks in sien eerst Profi-Johr 1903 hett Rossignoli dör twee Siege up sück upmarksom maakt; he wunn de Corsa Nazionale un La Seiconto. 1905 wunn he Mailand–Turin un wurr Tweet vun de Lombardei-Rundfohrt achter Giovanni Gerbi, 1906 weer he Sieger vun Mailand–Mantua un 1907 kunn he de Coppa Val d’Olona up sien Naam schrieven. Bi de italieensch Straatenmeesterschap 1907 keem he up den 3. Platz.

Bi de groot Rundfohrten kunn sück Giovanni Rossignoli mehrfack goot platzeeren. Bi de Tour de France, an de he achtmal deelnommen hett, belegg he 1908 Rang 10, 1923 Rang 29, 1925 Rang 19, un 1926 keem he up den 21. Platz. Spoodrieker weer he bi den Giro d’Italia, den he negenmal fohren is: 1909 wunn he twee Deelstrecken un wurr Dart, 1911 wunn he een Deelstreck un keem up den tweeten Platz achter Carlo Galetti, aber vör Giovanni Gerbi un 1912 kemm he nochmals up den darten Platz. Dorto keemen wieder Platzeerungen ünner de best Teihn bi dit Rennen.

Wat he schafft hett ännern

  • 1903 Corsa Nazionale
  • 1904 Mailand-Genua
  • 1905 Mailand–Turin
  • 1906 Mailand–Mantua
  • 1907 Coppa Val d’Olona
  • 1909 twee Deelstrecken Giro d'Italia
  • 1911 een Deelstreck Giro d’Italia

Weblinks ännern

Enkeld Nahwiesen ännern