Glenlossie

Glenlossie is en Whisky-Brenneree in de Neeg vun Elgin, Moray, Schottland.

Glenlossie
Brenneree Glenlossie
Land	Schottland
Region	Speyside
Tyyp	Malt
Status	aktiv
Besitter	Diageo
Grünnt	1876
Grünner	John Duff
Waterborn	Bardon Burn
Washstill(s)	3 × 16.000 l
Spiritstill(s)	2 × 15.000 l, 1 × 13.200 l
Produkschoonsvolumen	2.100.000 l

Historie

Grünnt weer de Brenneree Glenlossie 1876 vun John Duff. As twintig Johren later een vun sien beiden Mitbesitters, Alexander Grigor Alan, doodbleev, hett he de Destille vullstännig an Henry MacKay övergeven, üm sik op de nee grünnte Brenneree Longmorn to kunzentreren. In’t Johr 1919 güng Glenlossie denn an de Distillers Company Ltd. (DCL). Na en Brand is de Destille 1929 wedder opboet worrn. 1962 weer de Brenneree vun veer op söss Brennblasen vergröttert.

Produkschoon

Glenlossie höört to de Whisky-Region Speyside. Dat Water för de Produkschoon stammt, jüst so as bi de Brennere Mannochmore in de Neeg, ut den Bardon Burn. De Brenneree arbeit mit en Meeschfatt (mash tun) vun acht Tunnen un acht Gäärfatten (wash backs) ut Läärkenholt vun 45.000  jeedeen. Brennt warrt mit dree Wash stills vun tosamen 48.000 l un dree Spirit stills, de tosamen 43.200 l faten doot. Hitt maakt warrt de Brennblasen mit Damp.

Kiek ok

• List vun de schottischen Brennereen

Literatur

• Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
• Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.