Mannochmore

Mannochmore is en Whisky-Brenneree in de Neeg vun Elgin, Moray, Schottland.

Mannochmore
Brenneree Mannochmore
Land	Schottland
Region	Speyside
Tyyp	Malt
Status	aktiv
Besitter	Diageo
Grünnt	1971
Grünner	John Haig & Co.
Waterborn	Bardon Burn
Washstill(s)	3 × 14.400 l
Spiritstill(s)	3 × 17.000 l
Produkschoonsvolumen	3.200.000 l

Historie

Mannochmore is en teemlich junge Brenneree, de eerst 1971 vun John Haig & Co. boet worrn is. In de Johren vun 1985 bit 1989 weer se stillleggt. Siet 1992 is en Single-Malt-Whisky ut de Destille op’n Markt. Vun 1996 an geev dat vun de Brenneree butendem den swarten Loch Dhu, de intwüschen aver nich mehr produzeert warrt. Wegen sien ungewöhnlichen Smack hett sik de Loch Dhu to en Sammlerstück entwickelt. Twüschen 1995 un 1997 weer de Brenneree wedder stillleggt. Siether produzeert se blots noch in de Wintermaanden. Se warrt denn vun de Arbeiters vun de Glenlossie-Destille bedreven, de blots in’n Sommer produzeren deit.

Produkschoon

Mannochmore höört to de Whisky-Region Speyside. Dat Water to de Produkschoon stammt ut den Bardon Burn. Dat Molt warrt nich sülvst maakt, man ut de Molteree Burghead Maltings in Elgin betogen. De Destille hett en Meeschfatt (mash tun) vun twölf Tunnen un acht Gäärfatten (wash backs) vun jeedeen 54.000 Tunnen. Brennt warrt mit dree wash stills mit 14.400 l un dree spirit stills mit 17.000 l. Hitt maakt, warrt de Stills mit Damp.

Kiek ok

• List vun de schottischen Brennereen