Gomeisa

Gomeisa is de Egennaam vun den Steern β Canis Minoris in’t Steernbild Lütten Hund. De Naam stammt ut dat Araabsche un bedüüt so veel as „de Lütte mit de dröven Ogen“. Disse Naam hett aver nix mit den Naam vun dat Steernbild un sien Mythologie to kriegen, man hett’n annern Oorsprung.

Gomeisa
Positschoon un Beteken
Steernbild	Canis minor; Cmi
Rektaszension	7h27m9s
Deklinatschoon	8°17'22"
Annere Naams	Algomeyla, Gomelza
Bayer-Beteken	β
Flamsteed-Tall	3
Bright-Star-Kataloog	HR 2845
Henry-Draper-Kataloog	HD 58715
SAO-Kataloog	SAO 115456
Physikaalsch Parameter
Afstand	170 Lj
schienbore Helligkeit	+2,9
Spektralklass	B8Ve
Sünnerheiten	—

De Steern Gomeisa is en blau-witten Dwarg vun de Hööftreeg. Sien Effektivtemperatur liggt bi 11.500 Kelvin. De Spektralklass vun Gomeisa is B8Ve. Vun wegen sien Spektrum geiht man bi Gomeisa dorvun ut, jüst so as bi de Sünn, dat he binnen in Waterstoff to Helium verbrennt.

As dat utsütt, is Gomeisa en enkelten Steern ahn een Begleider. Sien Afstand bedriggt 52,192 Parsec oder ruchweg 170 Lichtjohren, wobi he en schienbore Helligkeit vun +2,9 mag opwiest.