Lichtjohr
| Eenheit | |
|---|---|
| Norm | Astronoomsch Eenheit |
| Naam | Lichtjohr |
| Grött | Weg, Afstand, Dörmeter, Läng |
| Eenheitenteken | Lj (eng.: ly) |
| Formelteken | l |
| afleddt vun | Lichtsnelligkeit |
Dat Lichtjohr is en astronoomsch Längeneenheit. Dat Lichtjohr is defineert as de Streck, de en elektromagneetsch Bülg as dat Licht in nipp un nau een Johr dör en Vakuum torüch leggt. Dat sünd ruchweg 9,5 Billionen Kilometer (9,5 · 1012).
Vun Naam her künn man glöven, dat dat Lichtjohr en Tieteenhet is, man dat is en Längenmaat. Bruukt warrt dat as Eenheit blots in de Astronomie. In’t Internatschonale Eenheitensystem is dat aver nich tolaten. Vun wegen de groten Strecken, de in de Astronomie und AStrophysik vörkamt, warrt dat dor aver wieter bruukt.
As Ünnerdelen vun’t Lichtjohr sünd ok de Eenheiten Lichtsekunn (~ 300.000 Kilometer), Lichtminuut (~18 Millionen Kilometer) un Lichtstünn (~1,1 Milliarden Kilometer) defineert. Disse Ünnereenheiten sünd över de Lichtsnelligkeit un de SI-Basiseenheiten Meter un Sekunn nipp un nau fastleggt. Dat Lichtjohr dorgegen kann op de Basis vun’t tropische, juliaansche, gregoriaansche oder dat siderische Johr fastleggt wesen. De Johreslängen vun disse Johren ünnerscheedt sik aver blots üm bit to 0,005 %, so dat de Johresdefinitschoon, de vör de Angaav gellt, eerst bi fiefstellig Nauigkeit vun Bedüden is. Na en Anraden vun de Internatschonalen Astronomschen Union is ünner den Begreep „Johr“ ahn wietere Angaven jümmer dat juliaansche Johr to verstahn.[1]
Ümreken
ännernEen Lichtjohr is:
- 63240 AE (Astronoomsch Eenheiten)
- 0,3066 pc (Parsec)
- 9,461 · 1015 m, meist 9,5 Billiarden Meter, oder nauer:
- 9,460 528 191 · 1015 m betogen op’t tropische Johr (to de Epoch J2000.0),
- 9,460 536 207 068 016 · 1015 m betogen op’t gregoriaansche Johr (nipp un nau),
- 9,460 730 472 580 8 · 1015 m betogen op’t juliaansche Johr (nipp un nau) un
- 9,460 895 221 · 1015 m betogen op’t siderische Johr (to de Epoch J2000.0).
Bispelen
ännern- De Afstand twüschen Eer un Maand is in’t Middel ruchweg 1,3 Lichtsekunnen.
- De Afstand vun de Eer to de Sünn is in’n Dörsnitt ungefähr 500 Lichtsekunnen oder 8,3 Lichtminuuten.
- De middlere Afstand vun’n Neptun na de Sünn is ruchweg 4 Lichtstünnen
- De Dörmeter vun’t Sünnsystem is ruchweg 150 Lichtstünnen.
- De Steern Proxima Centauri, de an’n neegsten to de Sünn is, is ungefähr 4,2 Lichtjohren wiet weg.
- De Melkstraat – uns Galaxie – hett en Dörmeter vun üm un bi 100.000 Lichtjohren.
- De Afstand to de neegsten Galaxie, den Andromedanevel liggt bi ungefähr 2,4–2,7 Millionen Lichtjohren.