Gray (Eenheit)

Eenheit
Norm	SI-Eenheit
Naam	Gray
Grött	Energiedosis, Kerma
Eenheitenteken	Gy
Formelteken	D
nöömt na	Louis Harold Gray

Dat Gray [ɡɹɛɪ̯] (Eenheitenteken Gy) is en physikaalsch Grött, de vun de SI-Eenheiten Joule un Kilogramm afleidt is. Se gifft de Energiedosis an, de dör ioniseeren Strahlen tostannen kummt un beschrifft de Energie, de pro Masse afsorbeert warrt. Ok de Kerma warrt in Gray meten. De Eenheit is na Louis Harold Gray, den britischen Physiker un Begrünner vun de Radiobiologie, nöömt

Bestimmt warrt dat Gray as Quotient vun Energie, de en Körper opnahmen hett, un sien Masse:

1 Gy = 1 J/kg = 100 rd.

Bruukt warrt de Eenheit vör allen in de Medizin, woneem dormit de Strahlendosis angeven warrt, de bi en Strahlentherapie oder in de nuklearmedizinischen Therapie insett worrn is.

Relatschoon to annere Eenheiten

Sievert

Üm en beteren Vergliek vun de Energiedosis vun ünnerscheedliche ioniseeren Strahlen in Betog op ehr Schaadwirken op Organismen to hebben, warrt se mit en Wichtfakter malnahmen. Dordör warrt de relative beiloogsche Wirksamkeit vun de Strahlen inbetagen. De Strahlenwichtfakter is en Tall ahn Dimension, also hebbt de Äquivalentdosis un de Energiedosis de glieke physikaalsche Dimension. Man, üm den Ünnerscheed twüschen de beiden Grötten för den praktischen Bruuk kloor to maken, warrt för Energiedosen dat Gray bruukt, för wichtete Dosisgrötten dorgegen dat Sievert.

Rad (oole Eenheit)

Bit to’n 31. Dezember 1985 weer de offizielle Eenheit för de Energiedosis dat Rad (Eenheitenteken rd).

1 rd = 0,01 Gy = 0,01 m²/s² = 0,01 J/kg

Weblinks

• „Die Dosis und ihre Wandlung vom Röntgen zum Gray” (hoochdüütsch PDF, 41 KiB)