Gremlins 2: The New Batch
Gremlins 2: The New Batch (op plattdüütsch so veel as „Gremlins 2: De ne’e Produkschoonsreeg“; dt. Titel: Gremlins 2 – Die Rückkehr der kleinen Monster) is de Titel vun en US-amerikaanschen Science-Fiction- un Horrorfilm ut dat Johr 1990 vun den Speelbaas Joe Dante. Dormit warrt de Geschicht vun Gremlins ut dat Johr 1984 wieterföhrt. In Düütschland keem de Film an’n 23. August 1990 in de Kinos.
| Filmdaten | |
|---|---|
| Plattdüütsch Titel: | — |
| Originaltitel: | Gremlins 2: The New Batch |
| Düütsch Titel: | Gremlins 2 – Die Rückkehr der kleinen Monster |
| Produkschoonsland: | USA |
| Johr vun’t Rutkamen: | 1990 |
| Läng: | 106 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Joe Dante |
| Dreihbook: | Charles S. Haas |
| Produkschoon: | Michael Finnell Rick Baker |
| Musik: | Jerry Goldsmith |
| Kamera: | John Hora |
| Snitt: | Kent Beyda |
| Szenenbild: | James H. Spencer |
| Kledaasch: | Rosanna Norton |
| Dorstellers | |
| |
Inholt
ännernDe Film speelt söss Johren na den eersten Deel, as de Gremlins de Heimatstadt vun Billy un Kate in’n Dutt bröcht hebbt. Intwüschen leevt dat junge Poor in New York, woneem se beide in dat High-Tech-Zentrum vun den Medienmogul Daniel Clamp arbeiden doot. Clamp boet in de helen Stadt un lett ok den lütten Laden afrieten, in den de olle Chinees mit den Mogwai Gizmo bit to sien Dood leevt hett. Gizmo is op sik aleen stellt un versöcht uttorieten, warrt aver vun en Wetenschoppler vun Clamp opgrepen un in jemehr Labor bröcht, dat sik blangen tallrieke Ladens, Restaurants, en Feernsehsenner un en Architektenbüro ok in dat Clamp-Center befinnt.
Billy warrt dat wies un kann Gizmo ut dat Labor befre’en, hett aver dör sien Arbeit keen Tiet, op den lütten Mogwai optopassen. Gizmo kummt in Kuntakt mit Water, so dat kort later en Reeg ne’e freetsche, aggressive ut sien Fell utkamen doot. Se kriegt Gizmo ünner un sparrt em in en Luftschacht in, wiel se sülvst sik op de Söök na wat to freten maakt. Man, wenn en Mogwai na Middernacht wat freten deit, denn wannelt he sik in en lütt Monster. Jüst dat passeert nu mit jem un se warrt to Gremlins. Dorto kamt ok se mit Water in Kuntakt un warrt dorüm noch mehr. Na un na leegt se dat hele High-Tech-Zentrum in’n Dutt, verjaagt de Besökers un stellt nix as Kasperkraam an. Man se verdrägt keen Sünnlicht, sodat se eerstmol noch nich ut dat Huus rutkünnt.
De Laag eskaleert noch mehr, as de Gremlins dat Labor op’n Kopp stellt un dor cheemsche Stoffen ut de Genforschung finnt. Se sluukt dat rünner un fangt dorophen an to muteeren. To’n Bispeelt wannelt sik een Gremlin to Hälft in en Fleddermuus, en annern to Hälft in en Spinn. Un een winnt dor en cheemschen Drunk minschliche Klookheit.
Billy un Kate versöökt allns, de Gremlins torüchtoslahn, vunwegen dat New York anners in’t Chaos störten deit. Mit Hülp vun eenige Frünnen un ok Clamp sülvst künnt se opletzt dör en Stroomslag den helen Takel vun Gremlins tonichten to maken.
Kritik
ännern- Roger Ebert vun de Chicago Sun-Times weer nich tofreden mit den Film un meen, he harr to wenig Inholt , man to veel Gremlins.
- Ken Hanke vun’n Mountain Xpress schreev dorgegen, dat de Film en unvermodens leeftallige Wieterföhren weer.
- Dat Lexikon vun’n internatschonalen Film beteken Gremlins 2 as en Wieterföhren, de vun de Tricktechnik her düchtig Indruck maken de, un to en Orgie anwassen de, in de allens tonichten maakt warrt. De Sietenslääg op de Medien un de Ünnerholenskultur överdrifft aver den Insider-Plie.[1]
Utteken
ännernDe Film weer 1991 in söss Kategorien för den Saturn-Pries nomineert, hett aver keen dorvun wunnen. Vörslahn weer he ünner annern as Best Fantasyfilm.
Achtergrund
ännernDe Film lett sik in dat Genre vun de Horrorkummedien inorden mit en Andeel vun Science-Fiction. Gewalt warrt in den Film so as’n Cartoon oder in de Oort vun’n Slapstick dorstellt, wobi dat tallrieke Verbinnen un Anspelen op annere Filmen gifft as Rambo, The Wonderful Wizard of Oz oder den Vörgänger Gremlins. En poor vun de Figuren sünd parodienordig övertogen dorstellt, as to’n Bispeel de Genforscher Dokter Catheter, de op de Jagd na ne’e Bakterien un Viren is. So warrt bito ok jümmerto op Lee sien fröhere Filmrull as Dracula anspeelt.
Vun den Film gifft dat twee Faten: een ut dat Kino un een op Video. De Ünnerscheed liggt in en Szeen in de Mitt vun’n Film. In de Kino-Faten warrt an disse Steed so doon, as wenn de Filmrull ritt un de Gremlins den Projekter ünner jemehr Kontroll bringen doot. Dorophen warrt Hulk Hogan in en Kinosaal ropen, de denn de Gremlins anbölken deit – Disse Faten is ok op de DVD to sehn. In de Video-Faten warrt so doon, as wenn de Videorekorder twei geiht. Na ’n Törn vun Videoruuschen finnt sik de Gremlins denn to’n Bispeel in en Western mit John Wayne wedder, wobi een vun jem doodschaten warrt. In’t Feernsehn sünd al beide Faten utstrahlt worrn.
Borns
ännernWeblenken
ännern- Gremlins 2: The New Batch in de Internet Movie Database (engelsch)
- Vergliek vun de Snittfaten: VOX Namiddag – FSK 12 DVD
- Vergliek vun de Snittfaten: VHS – DVD
- Vergliek vun de Snittfaten: RTL Namiddag – FSK 12 DVD