Grundschool Drochters

De Grundschool Drochters is en Grundschool in’n Oort Drochters in’n Landkreis Stood. Dreger is de Gemeen Drochters. De School liggt an’n Schoolstieg 7. De School hett 201 Schölers in teihn Klassen, ölven Schoolmeesters un twee pädagoosche Mitarbeiders (Stand Schooljohr 2015/2016).

Dor gaht de Schölers ut de Öörd Drochters, Theisbrügg un Gauensiek hen.

Nadem se mit de Grundschool trech sünd, gaht de Schölers denn op Gesamtschool na de Elvmaschen-School in Drochters oder op Gymnasium na de Vincent-Lübeck-School in Stood.

Historie

De School is 1976 as Orientierungsstufe boot worrn. As de Orientierungsstufe later in de kooperative Gesamtschool opgahn is, is de Grundschool in dat Gebüüd intagen.

In dat Johr 2000 is de School för 1,8 Milljonen Mark ümboot worrn un hett en neet Dack kregen.

Mit dat Schooljohr 2002/2003 is de School en verlässliche Grundschool worrn.

Schoolbaas

• opstunns: Kerstin Völckers

Weblenken

• Websteed von de School (hoochdüütsch)