Grundschool Ramßel
De Grundschool Ramßel is en Grundschool in Ramßel (Ohlendörper Straat 36). Schooldreger is de Gemeen Seevdaal. De School hett opstunns (Stand 2015) 143 Schölers, twölv Schoolmeesters un dree pädagoogsche Mitarbeiders.[1] Dat gifft acht Klassen in de veer Johrgäng.
Op de School gaht de Kinner ut Ramßel, Ohlendörp un Holtörp.
Historie ännern
Vör 1964 hett dat Volksscholen in de Dörper Ramßel, Ohlendörp, Holtörp un Marxen geven, in de verscheden Johrgäng tosamen Ünnerricht harrn.
De School in Ramßel is 1964 as Middelpunktschool (Grund- un Hauptschool) boot worrn. Inwieht hebbt se ehr an’n 15. Oktober 1964. Toeerst sünd tosätzlich to de Kinner ut Ramßel, Ohlendörp un Holtörp ok de Kinner ut Marxen dor na School gahn un de School harr üm un bi 400 Schölers. Dat hett sik 1975 ännert, as de Schölers ut Marxen an de Grundschool Braackel wesselt sünd. De School harr denn noch 300 Schölers.
An’n 1. August 1977 sünd de Hauptschölers all na de Hauptschool Hittfeld wesselt un de School harr man noch en beten mehr as 200 Schölers.
De School liggt direkt an de Autobahn 7. Nadem se mit de Grundschool trech sünd, mööt de Kinner ut Ramßel in Hittfeld na School.
Mit dat Schooljohr 2012/2013 is de School en apene Ganzdagsschool worrn.
Schoolbaas ännern
- opstunns (Stand 2015): Brigitte Menapace
Footnoten ännern
Weblenken ännern
- Websteed von de School (hoochdüütsch)
Koordinaten:53° 20′ N, 10° 2′ O