Guanoinsel-Gesett
Dat Guanoinsel-Gesett (engelsch Guano Islands Act; Titel 48 US-Code, Kapittel 8, §§ 1411-1419) is en Bundsgesett von de USA, dat de US-Kongress an’n 18. August 1856 beslaten hett. Dat Gesett leggt fast, dat all Eilannen, de nich to en anner Staat höört un op de kene Börgers von annere Länner wahnt, op de en Amerikaner Guano finnt, Besitt von de USA warrt un dat de US-Präsident dat Militär insetten dröff, üm amerikaansche Intressen to wohren.
In de Midd von dat 19. Johrhunnert weer Guano en wichtigen Rohstoff as Meststoff un för Scheetkruud worrn. Dat Gesett schull de amerikaanschen Intressen an nee opdeckte Eilannen wohren. Över de Tied hebbt de USA dör dit Gesett över 100 Eilannen in Besitt nahmen. En groten Deel höört vondaag nich mehr to de USA. De, de noch jümmer Deel von de USA sünd:
- Baker-Eiland
- French Frigate Shoals (Deel von Hawaii)
- Howland-Eiland
- Jarvis-Eiland
- Johnston-Atoll
- Kingman-Riff/Danger Rock
- Midway-Atoll
- Navassa-Eiland
- Palmyra-Atoll
- Bajo-Nuevo-Bank
- Serranilla-Bank
- Swains-Eiland (Deel von Amerikaansch Samoa)
De Böverste Gerichtshoff von de USA hett 1890 in’n Fall Jones v. United States dat Gesett as konform mit de Verfaten von de USA beoordeelt.
In’n Verdrag von Tarawa hebbt de USA 1979 jemehr Anspruch op de 14 Eilannen opgeven, de in de Rebeden von Kiribati legen, dat jüst unafhängig worrn is.
Weblenken
ännern- Text von dat Gesett (engelsch)