Gustav Fels
Gustav Richard Fels (* 23. Februar 1842 in Köthen; † 29. September 1922 op de Farm Ondekaremba bi Windhuk, Süüdwestafrika) weer en düütschen Verwaltungsbeamten.
Fels is 1842 in Köthen boren.[1] Na dat Abitur hett he an de Universität Jena Juristeree studeert. 1861 is he Maat von dat Corps Thuringia Jena worrn.[2]
Na dat Studium is he in’n prüüßschen Staatsdeenst gahn. 1872 bet 1875 weer he Börgermeester von Ballenstedt un von 1877 bet 1880 Börgermeester von Mölln.
Von dor is he 1880 na Leh wesselt un dor de eerste Börgermeester worrn nadem de Oort in dat Johr en neet Magistraatsstatut kregen harr. Dat Amt hett he bet 1884 behollen. Sien Nafolger weer Gustav Augspurg. In dat Johr is he denn för twölv Johr as Börgermeester von de Stadt Eberswalde wählt worrn. Dat Amt harr he von April 1884 bet Juni 1895. 1910 is he mit siene Fro na Düütsch-Süüdwestafrika gahn üm bi siene Dochter Gerda to leven, de 1902 Erich Rust freet harr, de op de Farm Ondekaremba bi Windhuk leven dee.[3]
He hett 1867 Camilla Knauth (19. Juni 1845–1936) freet.[4][3] De beiden harrn de Döchter Adelheid (8. Mai 1868-5. Januar 1897), Frieda (* 27. August 1869), Klara (* 8. August 1875), Gerda (28. November 1882-1976) un Waltraud (23. Oktober 1884-1962).[3]
Footnoten
ännern- ↑ http://www.bremerhaven.de/meer-erleben/stadtarchiv/amtstraeger-und-verdiente-persoenlichkeiten/gemeindevorsteher-buergermeister-und-stadtdirektoren-vor-1945.84228.html
- ↑ Kösener Corpslisten 1930, 77, 410.
- ↑ a b c http://www.huthsteiner.org/Knauth/Knauth%20Family%20Register%20-%2012.1.14.pdf
- ↑ http://www.myheritage.de/names/camilla_knauth