Gustav Könsen (* 25. Mai 1889 in Arbargen; † 29. Dezember 1957 in Stuckenbossel) weer en plattdüütschen Schriever.

Könsen is 1889 in Arbargen boren un 1905 mit siene Öllern na Stuckenbossel tagen.[1] He hett toeerst Teekner un Modellör bi en Bremer Sülverworenfabrik lehrt, weer denn op de Kunstgewarvschool in Berlin un na’n Eersten Weltkrieg fre’en Grafiker in Bremen.[1] In’n Krieg weer he Soldaat un is verwunnt worrn.[1] Twüschen Eersten un Tweten Weltkrieg hett he ok en poor Johr in Worpsweed leevt. 1930 hett he den Speelkrink Stuckenbossel grünnt.[1] Blangenbi weer he Maler un Schriever.

In’n Tweten Weltkrieg weer he ok wedder Soldaat.[1] He keem an’n ut de Kriegsfungenschop un hett denn bet to sien Dood 1957 in Stuckenbossel leevt.[1] Begraven is he op’n Karkhoff in Söttmer.[1]

In Stuckenbossel is de Gustav-Könsen-Straat kort na sien Dood na em nöömt worrn.[1]

Warken ännern

Böker:

  • Fiedjen Duukdi : Achtundartig heel vergnögde, ok hartlige un orrig deffdige Strämels ut’n Minschenlewen. Kunterbunt dörnanner vertellt akkrot as dat in’n Lewen geiht. Witten Schimmel-Verlag, Stuckenbossel 1930
  • Fief vergnögde Geschichten. Vun Nusselpeters un buchdige Fronslüde, Schwerenöters un onnige Deerns un anner goode Minschen. Witten Schimmel-Verlag, Stuckenbossel 1930
  • Buern-Geschichten. Dorn, Bremen 1935
  • Dat Döörp lacht. Een Utwahl ut sien Böker. Dorn, Bremen 1940
  • Vergnögde Seelen. Dorn, Bremen-Horn 1946

Theaterstücken:

  • Wat'n gräsiget Fronsminsch. Een Possenspill in 1 Törn. (toeerst opföhrt von de Rablinghuser Späldäl Bremen, 6. Februar 1932)
  • Ünnerwegs. Een half lustig, half ernsthaft Spill. (toeerst opföhrt von de Rablinghuser Späldäl Bremen, 5. Dezember 1931)

Footnoten ännern

  1. a b c d e f g h http://www.stuckenborstel.de/dorf/persoenlichkeiten/

Weblenken ännern