Hahl
Dit Woort hett noch annere Bedüden: kiek dorför ünner Hahl (Mehrdüdig Begreep).
Hahl (hoochdüütsch Hahle) is en Deel von de Stadt Stood in Neddersassen, de twüschen de Binnenstadt un Haddörp liggt.
Ümgegend
ännernHahl liggt twischen de Nedderelvbahn von Horborg na Cuxhoben in’n Noorden, de Bremervörer Straat in’n Oosten un Süüdoosten, de Bundsstraat 73 in’n Süden un den Haddörper Grenzweg in’n Westen. Haddörp in’n Westen un Wiepenkathen in’n Süden sünd all beid so bi een Kilometer von Hahl weg. De Binnenstadt von Stood liggt so 2,5 km na’n Oosten.
Dat Water ut dat Rebeed flütt in’n Noorden över de Landwehr na de Haschenfleter Wettern af.
Geschicht
ännernJüst as Haddörp un Wiepenkathen weer Hahl toeerst bloot en enkelt Buurhoff. Disse Hoff weer dor, wo nu de Krüzung von de Bundsstraten 73 un 74 is. 1848 harr Hahl man fiev Hüüs un 20 Inwahners[1]. Dat hett sik ok bet in de Tied von’n Tweten Weltkrieg nich ännert. To de Tied weren dat de Hööv von Konerding, Peters un Ropers, dat Gasthuus Grüner Wald un dat Goodshuus von dat Good Hahl. De Hüüs in Hahl sünd vör allen in de Johren 1950 un 1960 boot worrn in de Siedlungsbowies von de Tied. In’n westen Deel von Hahl höört de Hüüs to’n groten Deel bi’n sozialen Wahnungsbo.
Inwahnertall
ännern| Johr | Inwahners |
|---|---|
| 1793[2] | 5 Füürsteden |
| 1824[3] | 6 Füürsteden |
| 1848[4] | 20 Lüüd, 5 Hüüs |
| 1. Dezember 1871[5] | 26 Lüüd, 5 Hüüs |
Religion
ännern
Hahl is evangeelsch-luthersch präägt un höört to de Karkengemeen von de Markus-Kark in Hahl. Vördem de Karkengemeen 1965 grünnt worrn is, hett Hahl to dat Kaspel von de Cosmae-Kark in Stood tohöört.
För de Kathoolschen is de Hillig-Geist-Kark in Stood tostännig.
Weertschop un Infrastruktur
ännernIn Hahl gifft dat en Tanksteed, twee Bankfilialen un en poor Supermärkt un Bomärkt. Ünner annern en Media-Markt un en Marktkauf.
De Filiaal von de Spoor- un Kreditbank Hammoh in Hahl hett 1966 apenmaakt.
Soziale Inrichtungen
ännernIn Hahl gifft dat en poor Behinnertenheims, de von dat DRK bedreven warrt. Dor an anslaten gifft dat ok Behinnertenwarksteden, ünner annern en Wäscheree. Ans gifft dat noch en Olenhuus, de Markus-Kark, de 1966 boot worrn is, un en Karkhoff.
Scholen
ännernIn Hahl gifft dat en Kita (1957 grünnt), en Kinnergoorn un de Grundschool Hahl. De Grundschool warrt ok as Butensteed von dat Vincent-Lübeck-Gymnasium bruukt. Bet 2000 sünd ok de Schölers ut Haddörp na Hahl na Grundschool gahn, bet Haddörp en egen Grundschool kregen hett. De School in Hahl hett nu nich mehr veer Klassen pro Johrgang, man bloot noch twee.
Footnoten
ännern- ↑ Statistisches Handbuch für das Königreich Hannover 1848. Sied 139
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 92: https://books.google.de/books?id=jN5QAAAAcAAJ&pg=RA1-PA92
- ↑ C. H. Jansen: Statistisches Handbuch des Königreichs Hannover. 1824, Sied 236: http://books.google.de/books?id=tG0AAAAAcAAJ&pg=PA236
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143
Weblenken
ännern
Koordinaten:53° 36′ N, 9° 26′ O