Haje

Haje (ok Hajo, Haie, Haio, Hai un Hay) is en plattdüütschen Vörnaam för Jungs.

Herkamen

De Naam kümmt vun Naams mit denn Stamm Hag-, as Hagan-riek. Dor steekt de beiden germaanschen Wöör „haga“ (Tuun, Heck, Wohnplatz) un „rihi“ (riek, mächtig) in.

De plattdüütsche Naam

Vun so'n Naam mit twee Sülven is in de plattdüütschen Länner mit de Tiet bloß noch de eerste bruukt wurrn. Dor sünd denn korte Formen vun den Naam bi tostanne kamen, as Hagen. Dat -g- is denn afslepen wurrn to en -j- (Palatiseern). So keem Hajen torecht. Ok dat -n- is denn wegfullen. Denn weer de Naam Haje klaar. Vunwegen dat dat fröher keen eenheitliche Schrievwies geven hett, is dat denn woll ok Haie schreven wurrn. In de mundfulen plattdüütschen Kuntreien is towielen dat -e- an'n Enne wegfullen, denn hett dat Hai oder Hay geven. Un wenn de Öllern denn noch düütlich maken wullen, dat dat Göör en Jung is, denn hefft se dat Maskulin-Suffix -o achtern anbackt. Nu heet de Naam Hajo oder Haio.

Plattdüütsche Tonaams

Ut den Vörnaam sünd denn de plattdüütschen Tonaams Haje. Haye, Hajen un Hajen vun maakt wurrn. De bedüüt denn so veel, as Ut Haje siene Familie oder Vun Haje sien Hoff

Kiek ok bi

• Heie
• Haicko
• Heiko
• List vun plattdüütsche Vörnaams

Weblenken

• Wofaken un woneem de Vörnaam in Düütschland vörkummt: Haje, Haie, Haye, Hay, Hai, Hajo, Haio

De Artikel „Haje“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.