De Bezirk Hamborg-Mitt is nich bloots de Binnenstadt, man he treckt sik vun’n Öddendörper See an de oosten Lannesgrenz bit na de Insel Neßsand ganz in’n Westen.

Bezirk HorborgBezirk AltnaBezirk EimsbüttelHamborg-NoordBezirk WandsbeekBezirk BardörpHamborg-MiddNeddersassenSleswig-HolsteenNeewark
Laag von Hamborg-Mitt in Hamborg (Koort lett sik anklicken)
Laag vun’n Bezirk binnen Hamborg

De Bezirk hett 301.546 Inwohners (31.12.2019) un hett ’n Flach vun 142,2 km².[1]

To düssen Bezirk höört de Hamborger Oolt- un Neestadt un de freuhern Vöröörd St. Pauli un St. Georg; denn de Hobenstadt, Lütt Grasbrook, Steenwarder, Veddel un Willemsborg. Wieder de Elv rünner noch Waltershoff un Finkwarder, överhalf von de Elvbrüchen Rothenborgsoort (freuher mit veel Binnenschipperee), Hammerbrook un Borgfeld, un no Oosten hen Hamm, Hoorn, Billbrook un Billsteed mit de Plattenbosiedlung Mümmelmannsbarg.

In de Tostännigkeit von den Bezirk Mitte fallt aver ook de Natschonolpark "Hamburgisches Wattenmeer" mit de Insel Neewark. De Toorn op disse indiekte Hallig is dat öllste Bowark von Hamborg.

Footnoten ännern

  1. statistik-nord.de: Regionaldaten für Hamburg-Mitte

Weblenks ännern

  Hamborg-Mitt. Mehr Biller, Videos oder Audiodateien to’t Thema gifft dat bi Wikimedia Commons.