Hans Nowak

Hans Nowak (* 9. August 1937 in Gelsenkirchen; † 19. Juli 2012) weer en düütsch Footballspeler.

Karriere

Vereens

FC Schalke 04

1955 wurr Nowak all Jöögsnatschonalspeler. 1958 wessel he vun Eintracht Gelsenkirchen to’n Düütschen Meester vun dat Johr, den FC Schalke 04. För de Schalker hett Nowak bit 1963 all tosommen 98 Böverligaspelen maakt un dorbi 24 Doren schaaten. In de Bundsliga leep dat eerst för Schalke nich good. Se weern afsteegen, wenn man de Liga nih wat upstockt harr. In 47 Spelen harr de vormalige Störmer, de nu in de Afwehr spelen dee, bit 1965 ok man blots dree Doren schaaten.

FC Bayern München

För den Upstieger in de Bundsliga speel he van 1965 bit 1968, keem aber wegen Verletzung man blots up 37 Spelen, in de he veer Doren schaaten hett. Allerdings wunn he mit de Bayern 1966 den DFB-Pokal un 1967 den Europapokal vun de Pokalwinners gegen Glasgow Rangers.

Kickers Offenbach

In de Saison 1968/69 speel he denn noch för Kickers Offenbach in de Bundsliga un keem dor noch up 12 Spelen, kunn aber nich verhinnern, dat de Mannschap in de Saison afsteegen is. Wiel he immer noch gesundheitlich Probleme harr, hett he sein Loopbahn afslooten. He hett denn noch wat bi de Vereen FC Hochstadt speelt un wurr dornah dor Trainer.

Natschonalmannschap

Mit sein konstant good Afwehrleistungen hett he Indruck up Bundstrainer Sepp Herberger maakt, so dat he 1961 sien eerst Lännerspiel maken kunn. He speel dorbi in de Afwehr neben Karl-Heinz Schnellinger un vör Dorhöder Hans Tilkowski vun Westfalia Herne. So kunn he denn ok an de Football-Weltmeesterschap 1962 deelnehmen, wo he denn mit Schnellinger de Stammverteedigung billen dee. Dat weer denn ol de Hööchpunkt in de Karriere vun Hans Nowak. Sien letzt Speel (vun 15 all tosommen) hett he 1964 maakt. Dat weer dat eerst Speel ünner de nee Bundstrainer Helmut Schön.

Weblenken

• Hans Nowak in de Datenbank vun Fußballdaten.de
• Hans Nowak – Steckbreef bi 100-schalker-jahre.de