Waldow Ritzler

Waldow Ritzler (* 10. April 1880 in Swerin; † 1961 in Ollenstadt) weer en düütschen Verwaltungsbeamten.

Ritzler is 1880 in Swerin boren un hett Juristeree studeert un sien Dokter maakt. 1904 is he Regerungsreferendar worrn un 1907 Regerungsassesser un Hülpsarbeider bi dat Landraadsamt von’n Kreis Königsberg. He weer von 1909 bet 1914 Polizeidezernent in Oppeln.

He is 1914 as Nafolger von Ludwig von Pufendorf kommissarsch Landraad von’n Kreis Isenhagen worrn. He müss denn aver Deenst as Soldaat in’n Eersten Weltkrieg doon. Eerst 1919 is he richtigen Landraad worrn. He weer aver al von 1915 af an Regerungsraad. In Isenhagen is he bleven bet de Kreis to’n 30. September 1932 oplööst un Deel von’n Kreis Gifhorn worrn is.

An’n 1. Oktober 1932 is he as Nafolger von Hans Brandt kommissarsch Landraad von’n Kreis Paane worrn. Dor is he bet 1934 bleven. Sien Nafolger weer Helmut Freise. He is an’n 1. Mai 1933 in de NSDAP ringahn.

He is in’n April 1934 vertredungswies Landraad von’n Landkreis Horborg un denn in’n August 1934 richtigen Landraad worrn. Dat is he bet bet 1945 bleven. 1944 bet 1945 is he ok vertredungswies Landraad von’n Landkreis Soltau worrn.

An’t Enn von’n Tweten Weltkrieg is he an’n 17. April 1945 von de Briten fastnahmen worrn un weer bet September 1946 toeerst in Belgien un denn in dat Lager Stuggemühlen interneert. He is entnazifizeert un denn to’n 1. April 1947 in’n Rohstand versett worrn.

He weer ok Maat von’n Provinziallanddag Hannover.

1954 hett he dat Bundsverdeenstkrüüz kregen.