Har Gobind Khorana (* 9. Januar 1922 in Raipur, Punjab (in de hüüdig pakistaansch Deel); † 9. November 2011 in Concord, Massachusetts[1]) weer en indisch-US-amerikaansch Molekularbioloog un Nobelpriesdräger.

Har Gobind Khorana

Khorana gelung 1970 as eerst de künstlich Synthese vun en Gen. He hett wesentlich Arbeiten för de Entzifferung vun den Genetisch Code leist. Marshall Warren Nirenberg un Heinrich Matthaei harrn dör hör Poly-U-Experiment de Grundlaag schaffen.

Leven ännern

Khorana wurr in dat damalig Britisch-Indien boren. Sien Geburtsort liggt in dat hüüd to Pakistan hörend Deel vun de Punjab. Sien Geburtsdatum is is nich nipp un nau bekannt, in den Dokumenten wurr laterhenn de 9. Januar 1922 indragen. He stamm ut en Hindu-Familie, de nah dat Updeelen vun Britisch-Indien ut den nee grünnd Moslem-Staat Pakistan flüchten mussen. Ofschoons de Familie bannig arm weer, hett de Vader düchtig up de Utbildung vun sien Kinner acht, so dat sien Familie praktisch de eenzig in de Oort weer, de Lesen und Schrieven kunn. Nah sien Schoolutbildung studeer Khorana an de University of the Punjab in Lahore un hett dat Studium mit en Master-Titel (M.Sc.) afslooten. 1945 gung he mit en Stipendium nah England um en Dokterarbeit an de University of Liverpool antofangen. Nahdem he sien Doktertitel (Ph.D.) harr, hett he bit 1949 för twee Johr an de Eidgenössischen Technischen Hochschule Zürich bi Vladimir Prelog arbeit un dornah twee Johr in Cambridge, wo he sück vör allen up de Foroschung an Nukleinsueren un Proteinen konzentreert hett. 1952 gung he an de Universität vn British Columbia in Vancouver, wo he sien Forschungen an Nukleinsueren wieder makt hett. 1960 wessel he an de University of Wisconsin-Madison un siet 1970 is he Perfesser för Biologie un Chemie an dat Massachusetts Institute of Technology (MIT).

Wetenschaplich Leistung ännern

De bedüüdenst Leistung vun Khorana un sien Mitarbeiter liggt in de Entzifferung vun den genetischen Code. Nahdem Nirenberg un Matthaei in hör Poly-U-Experiment nahwiest harrn, dat de Basenfolge UCU för de Aminosuer Serin un CUC för Leucin kodeert, synthetiseren Khorana un sien Team in systemaatsche Affolg völ verscheeden Boten-RNAs un kunnen so bestimmen, welker Basenfolg för welker Aminosueren kodeer. Z. B.

UACUACUACUACUACUAC…UAC UAC UAC, oder ACU ACU ACU, oder CUA CUA CUA, wat de Aminosueren Tyrosin, Threonin un Leucin entspreken deiht.

Khorana sien Arbeitsgrupp funn ok rut, dat UAG, UAA, un UGA nich för Aminosueren kodeeren, sonnern so nömmt „Stopcodons“ sünd.

För sien Arbeiten kreeg Khorana 1968 tosommen mit Marshall Warren Nirenberg und Robert William Holley den Nobelpries för Physiologie oder Medizin.

Enkeld Nahwiesen ännern

  1. Har Gobind Khorana (1922-2011)

Weblenken ännern

  Har Gobind Khorana. Mehr Biller, Videos oder Audiodateien to’t Thema gifft dat bi Wikimedia Commons.