Harald Nickel

Harald Nickel (* 21. Juli 1953 in Espelkamp; † 4. August 2019) weer en düütsch Footballspeler.

Leven

Harald Nickel fung bi sien Stammvereen FC Lübbecke mit dat Footballspelen an. In de Bundesliga-Saison 1971/72 hett he 5 Bundesligaspelen för Arminia Bielefeld maakt, is dornah aber nah Belgien wesselt, wo he bi verscheeden Vereens (KFC Turnhout, Royale Union Saint-Gilloise, KV Kortrijk un Standard Lüttich) speelt hett. To de Saison 1978/79 speel he för Eintracht Braunschweig in de Bundesliga un wessel dornah för twee Johr nah Borussia Mönchengladbach, bevör he 1980/81 to’n Afsluss bi FC Basel in die Swiez anhüern dee. Insgesamt hett he in de Bundesliga 97 Spelen maakt un dorbi 48 Toren schaaten. Sien besünnere Spezialität weern Elfmeter, de he ut’n Stand scheeten dee. 1979 hett he dat Door van dat Johr in Düütschland schaaten.

Tüschen 1979 un 1980 hett he ok 3 Lännerspele för de düütsch Footbalnatschonalmannschap maakt, dorbi aber kien Door schaaten. Bi sien 5 Insatzen in der B-Natschonalmannschap keem he up 3 Doren.

Nickel is an’n 4. August 2019 an Krebs doodbleven.

Weblinks

• Tor des Jahres 1979 (mit Video). In: www.sportschau.de. Afropen an’n 9. August 2019 
• Harald Nickel in de Datenbank van weltfussball.de
• Harald Nickel bi fussballdaten.de
• Harald Nickel up de Sieden van den DFB