Harvey Smith (Rieder)

Harvey Smith (* 29. Dezember 1938 in Yorkshire) is en ehmalger britisch Springrieder.

Harvey Smith (1974)

Biografie

Harvey hett Grootbritannien bi twee Olympisch Spelen vertreeden, reck aber weder 1968 (Mexiko) noch 1972 (München) Medaillen. Bi fiev Europameesterschapen, broch he aber jewiels een Medaille mit nah Huus.

1971 hett he Punktrichters de in Grootbritannien beleidigende V-Geste (Handrüggen nah buten), nahdem he up Mattie Brown dat Hickstead Derby wunnen harr. Dat führ dorto, dat he disqualifizeert wurr. Dorgegen hett he Berufung inleggt un de ok wunnen. He hett sück dorup beropen, en Victory-Siegesgrööt wiest to hemm.

1990 is he vun den Turniersport torüchtreeden un hett mit sien Fru un Trainerin Sue Smith, en ehmalge Springriederin, en Rennteam up sien Farm in Yorkshire grünnd. Dat dor insett Peerd Auroras Encore hett 2013 dat Grand National wunnen.

In‘ April 2010 kreeg Harvey Smith en Levensprieswark dür sien herutragen Bidrag to dat britisch Springrieden.

Familie

Harvey Smith is de Vader vun den Springrieder Robert Smith. Ok sien jüngerer Söhn Steven Smith weer Springrieder, de 1984 bi de Olympisch Sömmerspelen in Los Angeles de Sülvermedaille mit de britisch Mannschap wunn.

Wat he schafft hett

• Över 50 Groot Priesen hett he wunnen
• 1983, Europameesterschapen in Hickstead: Mannschaps-Sülver
• 1977, Europameesterschapen in Wien: Mannschaps-Sülver
• 1972, Olympisch Sömmerspelen München: Deelnahm
• 1971, Europameesterschapen in Aken: Eenzel-Sülver (Mattie Brown)
• 1968, Olympisch Sömmerspelen Mexiko: Deelnahm
• 1967, Europameesterschapen in Rotterdam: Eenzel-Sülver (Harvester)
• 1963, Europameesterschapen in Rom: Eenzel-Bronze (O' Malley)

Weblenken

• Harvey Smith in de Datenbank vun Sportsreference.com (engelsch)
• horseandhound (engelsch)