As Harvstappel betekent man Appelsoorten, de in September / Oktober riep sünd, de sofort oder kört nah dat Inlagern in de Harvst geneetriep (bit Enn’n Dezember / Anfang Januar) sünd.

En kloren Ünnerscheeden vun de Harvstappel-Soorten to de Winterappel-Soorten is nich mögelk, wiel eenig Soorten van Oktober bit März eten wurrn könnt; to de Sömmerappels kann man aber en klor Splitten maken.

In fröhere Tieden (also bevör man to all Tiet Aaft ut Supermarkt kriegen kunn) weern de Harvstappels (neben eenig lagerfähig Beern) en vun de wichtigst Borns för de Versörgen mit Aaft in’t Harvst un Winter.

Eenige typisch Harvstappelsoorten sünd Alkmene, Grahams Jubiläumsappel, Gravensteener, Holsteener Cox un James Grieve.