James Grieve
James Grieve is en Huusappel (Malus domestica). De Appelsort is as Tofallssamling vun den Aaftgoorner James Grieve tohopen mit sien Arbeitgever, de Boomschool Dickson, in Edinburgh rantogen un na em nöömt worrn. De Sort is ut de Muddersort Cox Orange un en unbekannte Vaddersort entstahn. Af 1880 is de Boom verbreedt worrn.
De Boom warrt as gesund beschreven, den ok Frost nich veel andeit. He bruukt Lagen, de nich to dröög sünd un het en swack Wassdom. De Appelsort is wenig anfallig för Mehldau oder Schorf, dorvör aver för Twiegmonilia un Füerbrand. De James Grieve bleiht middelfröh. He is en geern nahmen Harvstappel un en goden Pollenbillner.
De Frucht is en middelgroten Tafelappel mit rode Striepens, de vun’n Smack ’n beten as de Gravensteener is. Dat Fruchtfleesch is fienzellig un warrt gau möör. Dat is saftig un süerlich frisch mit en leeflich Aroma un mitünner en beten stippig.
De Oorn geiht Enn vun’n August los. Riep to’n Geneet is de Appel vun Anfang September bit in den Oktober rin. De Büüt is riek un regelmatig.
Kiek ok
ännern-
En drägenden Appelboom vun de Sort James Grieve. -
James Grieve-Appel an’n Boom, noch nich ganz riep. -
Riepe James Grieve-Appel.
