Hauptmenü öffnen
Hassaleh
Auriga constellation map.png
Hassaleh (ι Aur) is de Steern rechts ünnen in’t Sösseck
Positschoon un Beteken
Steernbild Auriga; Aur
Rektaszension 4h56m59,6s[1]
Deklinatschoon 33°9'57,9"[1]
Annere Naams Kabdhilinam, Al Kab
Bayer-Beteken ι
Flamsteed-Tall 3
Bright-Star-Kataloog HR 1577
Henry-Draper-Kataloog HD 31398
SAO-Kataloog SAO 57522
Physikaalsch Parameter
Afstand 512[1] Lj
schienbor Helligkeit +2,69[1]
Spektralklass K3 II[1]
Sünnerheiten Ännerlich

Hassaleh (ι Aurigae) is de Beteken vun en Resensteern in’t Steernbild Föhrmann. De traditschonelle Naam vun den Steern is Al Kab, wat en korte Form is vun Kabdhilinan (arab. för „Sprungbeen vun’n Tögelholler“).

De Steern hett en schienbore Helligkeit vun +2,69m un en Afstand vun ruchweg 512 Lichtjohren vun de Eer. De Helligkeit is wohrschienlich üm 0,6m minnert dör interstallaren Stoff.[2]

In’t Johr 2007 is op en Drapen in Grekenland bericht worrn, dat sik en Poor vun Objekten üm den Resensteern in en 2-to-1-Resonanz dreihn schall. Disse Objekten müssen brune Dwargen wesen, de Ümlooptieten vun ruchweg 2 un 4 Johren hebben müssen. En Mindstmasse is för de beiden Dwargsteerns aver nich angeven worrn.[3] In en Studie vun 2008 is rutkamen, dat en Periood vun 1460 Daag (ruchweg 4 Johren) op en mööglich Objekt hendüüt, dat nich seen warrn kann un noch bestimmt warrn müss.[4]

BornsÄnnern

  1. a b c d e http://simbad.u-strasbg.fr/simbad/sim-id?Ident=HD+31398
  2. Al Kab by Jim Kaler, University of Illinois at Urbana-Champaign
  3. „Two brown dwarfs in resonance around a K3II giant“ vun Reffert et al. in Extreme Solar Systems, ASP Conference Series, Vol. 398, proceedings of the conference held 25-29 June, 2007, at Santorini Island, Greece, 2008, S. 115
  4. „Precise radial velocities of giant stars. IV. A correlation between surface gravity and radial velocity variation and a statistical investigation of companion properties“ vun Hekker et al. in Astronomy and Astrophysics, 2008, Bd. 480 (1), S. 215-222