Hauböön
De Hauböön (m., pl. Haubööns) is een Deel vun een Buernhus to’n Logern vun Hau (drögdet Gras) as Foder vör dat Veh. De Hauböön is allgemeen de Böön över den Vehstall.
Dat Gras ward in'ne Sommertied op de Wischen meiht un an Oort un Stell toon Dröögen utbredt. Wenn't Gras drögt is, denn nömt'n dat Hau. In fröhere Tiet wöör dat Gras denn loos tohop rakt, op'n Wagen lad't un na'n Buernhoff bröcht. Op'n Hauböön hevt se dat den bet in alle Ecken staut.
In de 50er un 60er Johr vun dat vörige Johrhunnert keemen bi de Buern de ersten Haupressen op'n Hoff. Dormit wöör dat Hau in faste Ballen presst un so op'n Hauböön bröcht. Denn passt dor veel mehr Hau op'n Hauböön, abers dormit keem ok soveel mehr Wicht in dat Dack rin. De Buern mössen op de Statik vun den Stall achen, wiel das süssen alln's öberlasst weer.
