Hazel Hotchkiss Wightman

Hazel Virginia Hotchkiss Wightman (* 20. Dezember 1886 in Healdsburg, Kalifornien; † 5. Dezember 1974 in Chestnut Hill, Massachusetts) weer en US-amerikaansch Tennisspelerin.

Hazel Hotchkiss Wightman

Biographie ännern

Se wunn 1909 de amerikaansch Meesterschapen sowohl in’t Eenzel, in’ Düppel un in’ Mixed. Dat hett se de beid folgend Johren denn ok noch mal schafft. 1911 Hotchkiss hett hör Afsluss an de Universität in Berkeley makt un wunn 1919, nahdem se 1912 heiraadt harr, ehrn veerten Meestertitel bi de amerikaansch Meesterschapen (hüüd US Open). Insgesamt wunn Hazel Hotchkiss Wightman 45 Tennisturniere. 1924 wurr se mit Richard Williams in dat Öller vun 37 Johren Olympiasiegerin in’ Mixed. Mit Helen Wills Moody wunn se todem in’t Düppel en Goldmedaille.

1923 hett se den Wightman Cup in’t Leven roopen, en Lännerkamp tüschen de Fruenmannschapen vun de USA un Grootbritannien. Dorför hett se en Sülverpokal spend, analog as Dwight Filley Davis den Davis Cup. 1957 wurr se in de International Tennis Hall of Fame upnommen.

De Queen Mother of American Tennis oder Lady Tennis, as se ok nömmt wurr, weer buterdem US-Meesterin in Squash, Meesterin in’ Dischtennis in den Bundsstaat Massachusetts un US-Viezmeesterin in’ Mixed in’ Badminton.

Weblenken ännern

  Hazel Hotchkiss Wightman. Mehr Biller, Videos oder Audiodateien to’t Thema gifft dat bi Wikimedia Commons.