Heikki Ikola

Heikki Johannes Ikola (* 9. September 1947 in Jurva) is en ehmalger finnisch Biathlet.

Tosommen mit sien Landsmann Juhani Suutarinen kunn he in de 1970er- un fröhen 1980er-Johren mit de domineeren sowjeetsch Biathleten mithollen. Bi de Olympisch Winterspelen 1972 wunn he mit de finnisch 4 x 7,5 km-Staffel (bestahnd ut Esko Saira, Juhani Suutarinen un Mauri Röppänen) de Sülvermedaille. 1975 wurr he Weltmeester mit de Staffel as ok in’n Eenzel över 20 Kilometer (vör den Russen Nikolai Kruglow un sien Landsmann Esko Saira). Den Titel in’n Eenzel kunn he nochmals 1977 (vör Sigleif Johansen un Alexander Tichonow) as ok 1981 (ditmal vör Frank Ullrich un Erkki Antila) winnen. 1980 weer he todem Fahnendräger för dat finnisch Team bi de Olympisch Winterspelen, hett dor aber kien Medaille wunnen.

1975 weer he Sportler vun dat Johr in Finnland. Nah sien aktiv Loopbahn weer he ünner annern af 1994 Kommentator för den finnischen Senner Yleisradio. Dorför weer he ok Trainer vun dat finnisch Biathlon-Team.

Weblenken

• Heikki Ikola in de Datenbank vun Sports-Reference (engelsch)
• Database Olympics (engelsch)