Heimbeuk
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29640 | |
| Vörwahl: | 04189 | |
| Geograafsche Laag: | Koordinaten:53° 11′ N, 9° 55′ O53° 11′ N, 9° 55′ O | |
|
| ||
Heimbeuk (hoochdüütsch Heimbuch) is en lütten Oort in de Gemeen Unnel (Samtgemeen Hanstää) in’n Landkreis Horborg, Neddersassen. De Oort höört polietsch al von öllers bi Unnel mit bi.
Geografie
ännernDe Oort liggt in de Lümbörger Heid un in dat Naturschuulrebeed Lümbörger Heid. De Born von de Seev liggt in’n Noordwesten von’n Oort. In’n Süüdoosten liggt mit’n 169 Meter över de See hogen Wilser Barg de höögste Punkt von de Lümbörger Heid.
De Naveröörd sünd Tunnhoff un Wesel in’n Noorden, Meenern un Unnel in’n Noordoosten, Wils in’n Süüdoosten, Babenbeek in’n Süden, Einem in’n Süüdwesten, Ehrhoorn in’n Westen un Wintemaur an de Chaussee un Wehlen in’n Noordwesten.
Historie
ännernDe Hoff in Heimbeuk kummt 1271 toeerst in de Oorkunnen vör. Later weer dat en Forsthuus.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Behrn in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Amtsvaagdie Garlstörp in dat Amt Winsen tohöört.. Blots von 1852 bet 1859 hett dat Dörp kort to dat Amt Solzhusen höört. Na 1885 weer dat in’n Kreis Winsen un is 1932 Deel von’n Kreis Horborg worrn.
De Oort is an’n 1. Juli 1972 as Deel von de Gemeen Unnel mit de Gemeenreform in Neddersassen an de nu gröttere Gemeen Unnel kamen.
Inwahnertall
ännern| Johr | Inwahners |
|---|---|
| 1791[1] | 2 Füürsteden |
| 1812[2] | 32* |
| 1824[3] | 2 Füürsteden |
| 1848[4] | 21 Lüüd, 2 Hüüs |
- * tohoop mit Meenern
Religion
ännernHeimbeuk is evangeelsch-luthersch präägt un höört to dat Kaspel von de Jakobi-Kark in Hanstää, to dat ok de Magdalenen-Kark in Unnel tohöört.
För de Kathoolschen is de St.-Maria-Kark in Äästörp tostännig, de siet 1. November 2014 to de Karkengemeen St. Petrus in Bookholt tohöört.
Weertschop un Infrastruktur
ännernVerkehr
ännernHeimbeuk is blots över lüttje Weeg dör dat Holt mit de Butenwelt verbunnen. In’n Westen kummt een bi Ehrhoorn an de Landsstraat 211, de in’n Noordwesten bi Wintemaur an de Chaussee an de Bundsstraat 3 ran geiht un de in’n Süüdoosten över Habenbeek na Behrn un Bissen löppt. In’n Noordoosten kummt een in Unnel an de Kreisstraat 27, de in’n Noordwesten över Wesel un Handörp na de B 3 bi Will geiht un in’n Oosten bi Sohrndörp an de L 213.
De nächste Autobahn is de Autobahn 7 (Afsnidd Hamborg–Hannover). De Opfohrt 41 Äästörp liggt so twölv Kilometer in’n Oosten von Heimbeuk an de K 5 un de Opfohrt 43 Bissen so 13 Kilometer in’n Süden an de L 211.
De nächste Bahnhoff is so bi söss Kilometer wied weg in’n Westen de Bahnhoff Wintemaur an de Heidbahn.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 101
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 262
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
