Lümbörger Heid

De Lümbörger Heid (hoochdüütsch Lüneburger Heide) is en Landschop in Neddersassen. Se besteiht ut Heid, Geest un Holt.

Heidlandschop bi Habenbeck-Nerndörp
Koort von de Lümbörger Heid
Heidsnucken bi Snevern

De gröttste Stadt in de Heid is Lümborg, na de se ok nöömt is. De Heid reckt aver von’n Süüdrand von Hamborg bet na Wulfsborg un von de Aller bi Veern bet na dat Wendland.

Delen von de Landschop sünd as Naturpark Lümbörger Heid un Naturpark Süüdheid schuult. De höögste Punkt in de Heid is de Wilser Barg (169 m över de See).

HistorieÄnnern

Fröher hett in grote Delen von Noorddüütschland Holt stahn. As de Minsch sik bilütten jümmer mehr Land oorbor maakt hett, is dat Holt afhaut worrn. De Bueree hett de Boddens utpovert un Planten hebbt sik breed maakt, de ok ahn veel Nehrstoffen utkaamt. Mit verbeterte Methoden in de Bueree un Kunstdünger kunnen siet dat 19. Johrhunnert vele Heidflachen in Noorddüütschland wedder in Kultur nahmen warrn. De Lümbörger Heid is de gröttste Heid, de bet vondaag nableven is. De Heid is en Kulturlandschop, denn wenn de Flachen nich von de Heidsnucken afweidt un freehollen warrn deen, denn deen sik nu wedder Bööm breedmaken.

WeblenkenÄnnern

  Lümbörger Heid. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 10′ N, 9° 56′ O