Heinz Flohe

Heinz „Flocke“ Flohe (* 28. Januar 1948 in Euskirchen † 15. Juni 2013 ok dor) weer en düütsch Footballspeler.

Karriere

Bei sien Heimatvereen TSV Euskirchen entwickel sück dat Talent vun den technisch herutragen Offensivspeler Flohe. Nahdem he all in de DFB-Jöögdmannschap speelt harr, wurr he to de Saison 1966/67 vun den Bundsligavereen 1. FC Köln anhüert. 1970 geev he sien Instand in de Düütsch Football-Natschonalmannschap för de he all tosommen 39 Lännerspelen mit 8 Doren maakt hett.

För de Kölner hett he van 1966 bit 1979 329 Bundsligaspelen maakt un dorbi 77 Doren schaaten. Dornah wessel he to TSV 1860 München för de he noch 14 Spelen maakt un 4 Doren schaaten hett.

An’ 1. Dezember 1979 hett Flohe dör en Foul vun den dormaligen Speler vun den MSV Duisburg, Paul Steiner, en komplizeerten Schien- un Wadenbeenbröök erleeden. Dormit weer sien Spelerloopbahn to Enn’. An de Folgen vun de Verletzung (schädigt Nerven) litt Flohe noch hüüd. De latere Versöök, Paul Steiner to verklagen, is doran scheitert, dat man Steiner kien "Afsicht" nahwiesen kunn.

Nahderhand weer he noch Co-Trainer in Köln un van 1981 bit 1991 Trainer bi TSC Euskirchen. Flohe wurr all 1992 an’t Hart opereert un muss sück an’ 7. Januar 2004 wegen anhollen Hartrhythmusstörungen nochmals opereeren laaten. Dorbi kreeg he en nee Hartklapp. An’ 11. Mai 2010 is Flohe nah en Swaakheitsanfall tosommenbraken un befind sück sietdem in’t Wachkoma. Tonächst leeg he deswegen in de Kölner Uni-Klinik, ansluutend in en Rehabilitatschoonszentrum in Düren.

Heinz Flohe weer de eerste Profi-Footballspeler, de en Invaliden-Rente betruck.

Literatur

• Karl-Heinz Mrazek: Heinz Flohe : [der Weg zur deutschen Meisterschaft]. Copress-Verl., München 1978
• Interview mit Heinz Flohe to’n WM-Sieg 1974