Heinz Pliska
Heinz Pliska (* 23. Oktober 1941 in Gelsenkiärken) is en ehmalger düütsch Footballspeler.
Sien fung bi den dormaligen Tweetligisten Eintracht Gelsenkirchen an un 1963 is he binnerhalv vun de 2. Liga West to de Sportfrünnen Hamborn 07 wesselt. 1965 keem he to'n FC Schalke 04.
De Traditschoonsvereen weer in' Sömmer 1965 allerdings sportlich an' Enn' un Geld harr de Vereen ok nich. In dat tweet Johr Bundsliga 1964/65 harr man blots den letzten Platz raakt, blots, wiel de Bundsliga up 18 Mannschapen upstockt wurr, bleev Schalke 04 in de Liga. Afsolute Leistungsdräger as Reinhard Libuda, Willi Schulz, Egon Horst, Waldemar Gerhardt, Willi Koslowski, Hans Nowak un good Mitspeler as Heinz Crawatzo, Gyula Toth un Manfred Berz harrn nah de Katastrophenrunn Schalke verlaaten. Mit den harten Arbeiter Fritz Langner as Trainer un ehrgeizig Speler ut dat Amateurlager sull liekers in de Saison 1965/66 de Klass hollen wurrn. Bi de nee Speler stell de 20-fack Amateurnatschonalspieler Gerhard Neuser all de Prominenz dor. Dorneben sull de jung Klaus Fichtel vun Arminia Ickern to en grooten Glücksgreep wurrn.
Aber ok anner Speler as Josef Elting, Heinz Pliska un de Ex-Herner Alfred Pyka, de över de Statschoon TSV 1860 München keem, wurrn Stammspeler in dat Team. De Doren vun Manfred Kreuz (negen Doren) un Günter Herrmann (söeben Doren) hulpen mit, dat an' Enn vun de Saison Platz 14 reckt wurr. Pliska harr glieks all 34 Spelen mitmaakt.
Pliska bleev in de nächst beid Speeltieden Stammspeler un de Klass wurr ebenfalls hollen, aber so richtig vöran keem de Vereen ok nich. För Pliska wurr dat letzt Johr todem to en "Süükenjohr". En Versehr keem nah de anner. Ofschons he en Verdrag bit 1969 harr hett man vör dat Arbeitsgericht den Verdrag in beidersiedig Invernehmen uplösst. 75 Bundsliga-Spelen harr he maakt un dorbi twee Doren schaaten.
Dornah hett he noch för den Vereen Erle 08 speelt, bevör he as Spelertrainer to TuS Rotthausen torüchgung. Dorah weer he noch Trainer bi den Landsligisten SV Byfang (Essen), RW Leithe un Eintracht Erle, ehe he bi RWW Bismarck sein letzte Trainerstatschoon harr.
Pliska, de Former lehrt hett, weer later över 30 Johr bi de Stadtwerken Gelsenkiärken beschäftigt. Intüschen is he up Rente.