Helmut Dammann-Tamke
Helmut Dammann-Tamke (* 11. Oktober 1961 in Stood) is en düütschen Politiker von de CDU.
Dammann-Tamke is 1961 in Stood boren un weer dor op dat Athenaeum. Na de School hett he en Lehr as Buur maakt. Von 1982 bet 1985 hett he an de Fachhoogschool Kiel Bueree studeert. Na dat Studium hett he den Hoff von sien Öllern övernahmen.
1986 is Dammann-Tamke in de CDU ringahn. In dat Johr is he ok in den Gemeenraad von de Gemeen Bargst kamen. 1992 is he in’n Kreisdag von’n Landkreis Stood wählt worrn un is dor 2001 Viez-Vörsitter von de CDU-Frakschoon worrn. Bi de Landdagswahlen 2003, 2008 un 2013 is he as direkt wählt Afornten för den Wahlkreis Buxthu in den Landdag von Neddersassen wählt worrn. Dammann-Tamke is 2008 Präsident von de Landsjägerschop Neddersassen worrn.
He is verheiraadt un hett dree Kinner.
Weblenken
ännern
Helmut Dammann-Tamke. Mehr Biller, Videos oder Audiodateien to’t Thema gifft dat bi Wikimedia Commons.
- Websteed von Helmut Dammann-Tamke (hoochdüütsch)