Helmut Raloff
Helmut Raloff (* 18. Juni 1936 in Hamborg) is en düütschen Verwaltungsbeamten.
Raloff is as Söhn von Max Raloff (19. Oktober 1904–21. Juli 1989) boren. Georg un Karl Raloff weren siene Unkels.
Raloff hett Juristeree un Volksweertschop studeert un is na dat Studium 1967 in’n hambörgschen Verwaltungsdeenst gahn.[1] Von 1967 bet 1977 weer he Justitiar in dat Personalamt, Planungsreferent in de Liegenschaftsverwaltung von de Finanzbehörd, Persönlichen Referent von Senater Peter Schulz as Präses von de Jugendbehörd un Baas von de Bauleitplanung in de Schoolbehörd.[1]
Na siene Arbeid as Senaatsbeopdragten för de Ümsiedlung von Oolwarder is he 1977 Baas von dat Bezirksamt in’n Bezirk Horborg worrn.[1] Dat is he bet 1984 bleven, as he dat Amt as Senaatsdirekter von dat Staats- un Planungsamt in de Senaatskanzlie övernahmen hett.[1] Dissen Posten harr he von’n 1. März 1984 bet 7. Juli 1988.[1] An’n 8. Juli 1988 is he Staatsraad worrn un weer tostännig för de Justizbehörd, dat Senaatsamt för den Verwaltungsdeenst un dat Senaatsamt för Bezirkssaken.[1]
Nadem he an’n 1. Januar 1991 de Justizbehörd afgeven hett, is he an’n 19. Januar 1994 wedder de höögste polietsche Beamte för dit Ressort worrn, hett aver gliektiedig dat Senaatsamt för den Verwaltungsdeenst afgeven.[1] An’n 31. Dezember 1995 is he in’n einstweiligen Rohstand gahn.[1]