Hennadij Kusmin
Hennadij Kusmin (russisch Геннадий Павлович Кузьмин Gennadi Pawlowitsch Kusmin, ukrainsch Геннадій Кузьмін, Schrievwies bi de FIDE Gennadi P Kuzmin; * 19. Januar 1946 in Mariinsk; † 28. Februar 2020 in Luhansk[1]) weer en ukrainsch-sowjeetsch Schachgrootmeester.
Hennadij Kusmin hett vun 1965 bit 1991 elfmal an sowjeetsch Meesterschapen deelnommen. 1973 kreeg he vun de FIDE sowohl de Titel Internatschonaler Meester as ok de Grootmeestertitel tospraken.[2]
Kusmin hett 1969, 1989 un 1999 de ukrainsch Meesterschap wunnen. Later hett he överweegend as Schachtrainer arbeit, so hett he Ruslan Ponomarjow, Jekaterina Lagno un Gennadij Ginsburg betrüet.
Kusmin wunn mit de sowjeetsch Natschonalmannschap de Schacholympiade 1974 in Nizza (un reck dorbi dat dartbeste Eenzelergevnis an dat tweet Reservebrett)[3] as ok de Mannschapseuropameesterschap 1973 in Bath, bi de he buterdem dat tweetbeste Eenzelergevnis an dat achte Brett recken dee.[4] An den European Club Cup nehm he tüschen 1982 un 2003 insgesamt 13 mal deel un wunn dissen 1984 mit Trud Moskau.[5]
In‘n Mai 1974 hett he sien hööchste Elo-Tall vun 2600 reckt.
Turniererfolge ännern
- 1972 Baku (UdSSR-Meesterschap): 3. Platz (achter Michail Tal un Vladimir Borisovich Tukmakov)
- 1973/74 Hastings: 1.–4. Platz (mit László Szabó, Michail Tal un Jan Timman)
- 1977 Baku: 1. Platz
- 1977 Rubinstein Memorial: 2. Platz
- 1981 Düörpmer Schachdaag: 1. Platz[6] nah Wertung vör Jonathan Speelman un Ľubomír Ftáčnik
- 1986 Schachfestival Bad Wörishofen: 1. Platz
- 1992 Sankt Petersburg: 2. Platz
- 1994 Berliner Sommer: 1. Platz vör Matthias Wahls
Enkeld Nahwiesen ännern
- ↑ Gennady Kuzmin 1946-2020 Chess.com van’n 29. Februar 2020 (engelsch).
- ↑ Willy Iclicki: FIDE Golden book 1924-2002. Euroadria, Slovenia, 2002, S. 76.
- ↑ Henadij Kusmin sien Ergevnisse bi Schacholympiaden up olimpbase.org (engelsch)
- ↑ Henadij Kusmin sien Ergevnisse bi Mannschapseuropameesterschapen up olimpbase.org (engelsch)
- ↑ Henadij Kusmin sien Ergevnisse bi European Club Cups up olimpbase.org (engelsch)
- ↑ Dortmunder Schachtage – Översicht un Berichte af 1973