Hauptmenü öffnen
Henry Dunlop (1907)

Henry Joseph Long Dunlop (* 15. Oktober 1876 in Belfast; † 5. März 1931 ok dor), nömmt Harry, weer en britisch Ingenieur, de an de Nimrod-Expeditschoon (1907–1909) in de Antarktis deelnommen hett.

Inholtsverteken

LevenÄnnern

FamilieÄnnern

Dunlop keem as dart vun acht Kinner vun den Hööftkasseerer vun de Werft Harland & Wolff in Nordirland to Welt. 1912 wurr he Generaldirekter vun de African Oil & Cake Mills Company in Liverpool un hett 1914 sien Fru Ethel Jane Ward heiraadt. 1918 wurr de gemeensam Dochter Patricia boren.

Nimrod-ExpeditschoonÄnnern

Dunlop nehm an de Nimrod-Expeditschoon ünner de Leden vun Ernest Shackleton deel. He weer mit Shackleton früend un hett en Kredit to dat Betallen vun de Expeditschoon bistüert, de Shackleton aber nie nich torüchbetallt hett. Wiels de Expeditschoon weer he neben sien Tätigkeit as Schipsingenieur an Bord vun de Nimrod tosommen mit den Mechaniker Bernard Day (1884–1934) för den Bedriev vun dat mitbrocht Automobil verantwortlich. Nah dat Anlannen an dat Cape Royds weer he todem an dat Uprichten vun de Expeditschoonshütt bedeeligt. Dunlop hörr aber nich to de Mannschap, de in de Antarktis överwintern dee, sonnern is mit de Nimrod Enn’ Januar 1908 nah Niegseeland torüchfohren. Bi de Rückkehr vun dat Expeditionsschipp to’n McMurdo Sound in dat Fröhjohr 1909 hör Dunlop to de Crew, de de Lannensmannschap weer upnehmen dee.

Shackleton hett hüm to Ehren en Eiland in’ McMurdo Sound nich wiet vun de Küst vun Viktorialand „Dunlop Island“ (77° 14′ S, 163° 30′ O) nömmt. Doröver herut drocht ok dat östlich vun dat Eiland liggen Kap Dunlop (77° 14′ S, 163° 27′ O) sien Naam.

LiteraturÄnnern

WeblenkenÄnnern