Herman Autrey
Herman Autrey (* 4. Dezember 1904 in Evergreen, Alabama; † 14. Juni 1980 in New York City) weer en US-amerikaansch Jazztrompeter vun den Swing.
Autrey fung sien Karriere up dat Oldsaxophon in de Band vun sien Vader an, wessel aber later to de Trompete. 1923 truck he nah Pittsburgh, wo he mit lokalen Bands speel un denn dör de Süüdstaaten touren dee. In Florida hett he denn mit en eegen Band arbeit. He leet sück - nah Statschonen in Boston, Washington D.C. un Philadelphia 1933 in New York City daal un speel bi Charlie Johnson (1933-34) in dat Small's Paradise, dornah bi Fletcher Henderson (1935), Claude Hopkins (1938/9), un weer mit Ünnerbreeken bit 1941 Liddmaat vun de Band "Fats Waller & his Rhythm", to hören up Plattenupnahmen as „Let's Pretend There's a Moon“ 1934 oder „Don't You Know or Don't You Care“ 1935. He gung 1942 to Stuff Smith, harr en Band an de Westküst un hett bit 1944 ok bi Benny Waters arbeit. Ansluutend hett he sück sülvständig makt un speel mit eegen Bands in Brooklyn, aber ok in Kanada. 1958 hett he Upnahmen mit Buster Bailey makt. 1960 harr he sien eegen Quartett un 1961 en eegen Trio. In de 1960er Johren speel he ok in de Dixieland-Band Saints and Sinners vun Vic Dickenson un Red Richards. 1968 weer he Gast bi dat Jazzfestival in Frankfort. In de 1970er Johren is he noch in den New Yorker Club Jimmy Ryan's uptreden
Diskographie (Utwahl)
ännern- The Saints & Sinners In Europe (MPS, 1970) mit Vic Dickerson, Rudy Powell, Red Richards, George Reed
Lexigraphisch Indrääg
ännern- Carlo Bohländer: Reclams Jazzführer. Stuttgart 1989
- Leonard Feather & Ira Gitler, The Biographical Encyclopedia of Jazz. Oxford/New York, 1999, ISBN 978-0-19-532000-8