Herman Rempel
Herman Rempel (* 10. Januar 1915 in de West Reserve, Manitoba; † 11. Oktober 2008 in Morden) weer en plautdietschen Schriever.[1]
Rempel is 1915 as öllsten Söhn von Maria, borene Wiebe (1891-1978), un Peter W. Rempel (1889-1974) in de Mennoniten-Siedlung West Reserve in Kanada boren.[1] He is in Edenburg op de Farm von de Öllern opwussen.[1] Later weer he op dat Mennonite Collegiate Institute in Gretna un hett dor 1936 sien Afsluss maakt.[1] In Winnipeg hett he sik denn to’n Schoolmeester utbillen laten un Sommerkursen an de Universität von Manitoba maakt.[1]
Sien eerste Steed as Schoolmeester weer von 1937 bet 1943 an de School in Kronsgart.[1] In’n Januar 1943 is he as Soldaat in’n Tweten Weltkrieg inberopen worrn.[1] Na’n Krieg is he nich wedder in sien Beroop as Schoolmeester trügg un is 1946 Postbeamten worrn.[1] Later weer he Beamten för dat Department of Manpower and Immigration.
As 1977 to dat sülverne Throonjubiläum von Königin Elisabeth II. en besünnere Madallje rutgeven worrn is (de Queen Elizabeth II Silver Jubilee Medal), hett Rempel to de Lüüd höört, de ehr kregen hebbt. Dat weer för sien Verdeensten as Beamten.[1]
1979 is Rempel in Rohstand gahn.[1] In’n Rohstand hett he mit Kjenn Jie Noch Plautdietsch en Wöörbook von’n plautdietschen Dialekt von de Mennoniten in Kanada schreven.[1]
Polietsch weer Rempel in de Ne’e Demokraatsche Partei aktiv un weer bi de Kanaadsche Ünnerhuuswahl 1980 Kannedaat in’n Wahlkreis Lisgar.[1] Dorbi is he aver blots op’n drüdden Platz kamen. Wunnen hett den Wahlkreis Jack Murta von de Progressiv-kunservative Partei von Kanada.
Rempel hett an’n 16. August 1942 in de Bergthaler Mennoniten-Kark von Morden Helen Hamm (4. Januar 1916–11. Dezember 2007) freet. De beiden harrn dree Kinner.[1]
Warken
ännern- Kjenn Jie Noch Plautdietsch? Mennonite Low German Dictionary. PrairieView Press, 2. Oplaag, 1995
