Hermannus Jantius van Veen, (* 14. März 1945 in Utrecht) is een nedderlannschen Musiker, Clown, Lederkeerl, Speelmann un Schriever. Hermann van Veen singt sien Leder in männig Språken. Dat gröttste Publikum buten van de Nedderlannen hett he in Düütschland. Bekannt binnen Düütschland is sien Leed "Ich hab ein zärtliches Gefühl" (Nedderlannsch: Ik heb dat tedere gevoel). Hermann van Veen schrifft sik sien Leder sülvst, man he singt ook Leder van anner Lüüd, as Bispill van Jaques Brel. Hermann van Veen hett in Utrecht Fiddel studeert. Bi dat Studium is hüm 1961 Erik van der Wurff inne Mööt kwamen. Düsse Keerl spillt Piano un is siet düsse Tied met Hermann van Veen upp'n Patt. Hermann van Veen hett ook Böker, Romane un Gedichten schreven. He harr in de Nedderlannen sien egen Serie bi de Televischoon "De wonderliken avonturen van Hermann van Veen". Buten van dat hett sik Hermann van Veen de Trickfilm-Aant "Alfred Joducus Kwak" utklamüseert. Hermann van Veen leevt hüüt upp een olen Hoff in de Nöögde van Utrecht.

Herman van Veen (2009)