Hermen Bote

(wiederwiest vun Hermann Bote)

Hermen Bote (* üm 1450 wohrscheinlich in Bronswiek; † 1520 ok dor) weer en middelnedderdüütschen Schriever.

Bote sien egen Handschrift ut de Weltchronik

Leven ännern

Bote weer de Söhn vun’n Bronswieker Smitt un Raatsmann in dat Wiekbild Hagen Arnd Bote. He kunn nich good lopen un hett dorüm nich Smitt lehrt, man is Beamter worrn. 1471/1473 kummt Bote toeerst in de Rekenböker vun Bronswiek as Tollschriever vör. 1488 hett he bi en Börgeropstand böös Gedichten över den Raatsmann Ludeken Holland schreven un müss en Tiet ut de Stadt rut. He weer in disse Tiet wohrschienlich Richter an’t Neddergericht in dat Bronswieker Land. Vun 1493 af an bet 1496 warrt in de olen Schriften vun em as Verwalter in’n Raatskeller schreven un 1497 warrt Bote wedder Tollschriever. 1513 hett Bote bi en ne’en Opstand wedder Arger kregen un keem achter Trallen. He kreeg en Doodsoordeel, wat aver wedder ännert worrn is in Huusarrest. 1516 bet 1520 is he denn Vörstaher bi’n Tegelhoff wesen.

Sien eerst grötter Wark weer de Chronecken der Sassen 1491. In dat Boek van veleme rade sett he sik mit de Staatslehr utenanner. Mit de Brunswieker Weltchronik hett Bote 1493 denn siene eerste Weltchronik maakt. 1498 keem in Lübeck sien Version vun Reynke de Vos rut. Dat Tollenboyk is en Book, dat fasthollen dee, woans dat Tollwesen in Bronswiek lopen dee. In sien Schichtbook schreev Bote över de Historie vun Bronswiek un de sozialen Konflikte twischen de Schichten. As Tosatz to dat Schichtbook hett Bote ok en Book över de Klööster in Bronswiek un en Wapenbook maakt. 1510 hett Bote ok Till Ulenspegel schreven. Dat is aver nich ganz seker, wat Bote dor de Schriever is, dat Book liggt hüüt ok blot in de hoochdüütsche Översetten vör. Later hett he denn noch De Köker maakt un ene ne’e Weltchronik maakt, de Hannoversche Weltchronik.

Warken ännern

Weblenken ännern

  Hermen Bote. Mehr Biller, Videos oder Audiodateien to’t Thema gifft dat bi Wikimedia Commons.