Hermann Küster
Hermann Küster (* 7. Juni 1813 in Lümborg; † 20. Juni 1897 in Stood) weer en düütschen lutherschen Theoloog, Kunsistorialraad un Generalsupperndent von de Generaldiözees Bremen-Veern.
Küster is 1813 as Söhn von’n Obersyndikus Heinrich Küster in Lümborg boren. He weer op dat Johanneum in Lümborg un hett na de Schooltied evangeelsche Theologie an de Universitäten Göttingen, Halle un Berlin studeert. In’n April 1835 bestünn he dat Examen praevium un keem en Tied later as Kollaborater an dat Lehrerseminar Hannover un weer dor mit de Geschäften von’n tweten Inspekter beopdragt. Na dat theoloogsche Examen 1838 is he an’n 1. Mai 1838 tweten un an’n 12. September 1839 eersten Inspekter worrn. An’n 2. Dezember 1850 is he as Schoolraad un Referent in Volksschoolsaken in dat Kultusministerium von dat Königriek Hannover beropen worrn. 1853 güng he as eersten Pastoor un Supperndent na Allefelle. 1859 is he Oberschoolinspekter un geistlich Maat von dat Kunsistorjen in Stood worrn un 1875 Generalsupperndent för dat Hartogdom Bremen-Veern mit Deenstseet in Stood. Op egen Wunsch güng he an’n 1. Juli 1885 in Rohstand, hett de Geschäften aver noch bet 1. Oktober 1885 wiederföhrt.
Ehren
ännern- Prüüßschen Kronenorden II. Klass mit de Tall 50 (1885)
- Ehrendokter von de theoloogsche Fakultät von de Universität Göttingen (1887)
Literatur
ännern- Nekrolog in: Kirchliche Chronik der General-DiöceseBremen-Verden vom 1. Advent 1896 bis dahin 1897, Stade 1897, S. 14f.
- Philipp Meyer: Die Pastoren der Landeskirchen Hannovers und Schaumburg-Lippes seit der Reformation . Göttingen 1941/42