Hermann von Borries

Hermann Karl Alexander Sigismund Heinrich von Borries (* 7. September 1820 op Good Eckendorf; † 26. August 1896 in Kassel) weer en düütschen Verwaltungsbeamten.

Von Borries is 1820 as Söhn von Julie Sophie Charlotte Artemisia, borene von Bülow (2. Februar 1787–31. Dezember 1860), un Franz Wilhelm von Borries (9. April 1785–15. August 1858) op Good Eckendorf boren.[1][2] He hett an de Universität Heidelberg Juristeree studeert. 1841 is he Liddmaat von dat Corps Saxo-Borussia worrn.[3] Na dat Studium is he in’n prüüßschen Staatsdeenst gahn. He weer Referendar un is 1850 Gerichtsassesser in Naumborg worrn.[2] Von 1851 bet 1860 weer he bi de Spezialkommissionen in Stendal un Meideborg.[2] As Regerungsassesser güng he 1860 an de Regerung in Danzig un is dor 1862 Regerungsraad worrn.[2] 1866 is he an de Regerung in Köslin un 1868 an de Finanzdirekschoon Hannover versett worrn.[2] 1876 güng he as Oberregerungsraad an de Regerung in Oppeln.[2]

Von Borries is 1883 Präsident von de Finanzdirekschoon Hannover worrn.[2] Von 1885 bet to sien Rohstand 1886 weer he Regerungspräsident von’n Regerungsbezirk Lümborg.[2][4] In’n Rohstand hett he bet to sien Dodd in Kassel leevt.[3]

He hett an’n 3. Dezember 1867 in Köslin Marie Sophie Charlotte Beitzke (7. März 1844–19. Februar 1873) freet.[1] De beiden harrn de Döchter Sophie Philippine Julie (1. Mai 1869–12. November 1948) un Frieda (2. März 1871–9. Februar 1872).[1]

Footnoten ännern

  1. a b c http://www.familievonborries.de/index.php/component/content/article/60--i-linie-3-ast/259-hermann-v-borries.html
  2. a b c d e f g h Acta Borussica, Band 6/II
  3. a b Kösener Korpslisten 1910, 120, 207
  4. Regierungsbezirk Lüneburg Verwaltungsgeschichte, Landdrosten un Regerungspräsidenten op de Websteed territorial.de (Rolf Jehke)