Hibbe

Hibbe (ok Hibbo) is een plattdüütschen Vörnaam för Jungs.

Herkamen

Achter düssen Naam stickt en olen Naam mit twee Sülven. De eerste mutt Hild- ween hebben. Dat heet Striet oder Kampf. De tweede is en Woort ween, dat mit b anfangen dö, as -bald (dat heet ohne Bang, modig), -bert (beröhmt, glinsterig), -brand (Brand) oder -borg.

De plattdüütsche Naam

De ole lange Naam is tohopentagen wurrn. Ut Hildbald is denn de korte Form Hibbe maakt wurrn. Just de sülvige Form is avers ok vun de Deernsnaam Hildborg maakt wurrn. Hibbe weer so eerst mol en korten Naam för Jungs un Deerns. Dorüm hett Hibbe denn ok dat Enne -o kregen. So is vun Hibbe denn Hibbo wurrn. Düt Anbacksel schall wiesen: Dat hier is en Jung (Maskulin-Suffix). Just so is dat ok bi de Naams Habbe un Onne maakt wurrn.

Kiek ok nah bi

• List vun plattdüütsche Vörnaams

Weblenken

• Wofaken un woneem de Vörnaam in Düütschland vörkummt: Hibbe, Hibbo

De Artikel „Hibbe“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.