Hilke Martinek
Hilke „Hilly“ Martinek (borene Tiedemann; * 9. September 1977) is en düütsche Dreihbookschrieversche.
Tiedemann is as Dochter von Christa un Hans-Peter Tiedemann (1945-2012; later Samtgemeendirekter in de Samtgemeen Sietland) boren un in Helmworth opwussen. Se hett dat Abitur an dat Gymnasium Oterndörp maakt un denn in Hamborg leevt. Dor hett se Reisverkehrskoopfro lehrt.[1]
Se hett an’n 9. September 1999 den Dreihbookschriever Krystian Martinek freet. De beiden hebbt dree Kinner un doot in Eppendörp leven.[1]
He hett ehr dor to bröcht, ok sülvs Dreihböker to schrieven. Toeerst hett se Dreihböker för enkelte Episoden von de Serien St. Angela un Der Pfundskerl schreven. För de Reeg Das Traumhotel hett se tohoop mit ehren Mann de Dreihböker för de Folgen Verliebt auf Mauritius, Zauber von Bali, Seychellen, Afrika, Chiang Mai, Malediven, Vietnam, Brasilien un Myanmar schreven.
In dat Dreihbook för den Film Honig im Kopf hett Martinek ehr egen Erfohrungen mit Demenz verarbeidt. Ehr Vader is 2012 doodbleven un harr lang Demenz. An dat Dreihbook hett ok Til Schweiger mit arbeidt. De Film is an’n 25. Dezember 2014 in de Kinos kamen. Martinek sülvs dükert dor ok in en Nevenrull op.[1]
Siet November 2012 bedrifft se in Eppendörp en Laden för Snökerkraam, den Sugar-Shop.[1]
Warken ännern
- 2014: Honig im Kopf
Footnoten ännern
- ↑ a b c d Stader Tageblatt: Ihlienwortherin schreibt Drehbuch für Til Schweiger. 16. Dezember 2014