Honoré Dutrey
Honoré Dutrey (* 19. Februar 1894 in New Orleans; † 21. Juli 1935 in Chicago) weer en US-amerikaansch Jazz-Basuunist vun den New Orleans Jazz.
Honoré Dutrey wurr bekannt dör sien Speel in de Band vun King Oliver sien Creole Jazz Band, mit de he all in New Orleans un in de 1920er Johren in Chicago uptreden is un an de sien klassisch Schallplatten-Upnahmen mitwarkt hett. Noch in New Orleans hett he ok in de Excelsior Brass Band, de vun Harry Allen, den Vader vun Red Allen leit wurr, as ok mit Buddy Petit, Joe Robichaux un Jimmie Noone speelt. 1917 hett he sien Militärdeenst bi de Marine afleist un truck dornah nah Chicago. Sien Speel weer anners as dat vun anner New Orleans-Posaunisten as etwa Kid Ory. Nah sien Utscheeden bi Oliver 1924 harr Dutrey för en körten Tiet en eegen Formatschoon, mit de he in‘ Lincoln Gardens uptreden is. Buterdem speel he mit anner Stars vun de Chicagoer Jazzszene, as de Bands vun Carroll Dickerson, Johnny Dodds un Louis Armstrong Stompers, mit de he in‘ Sunset Cafe uptreden is. Dör en Unfall bi sien Tiet bi de US-Navy hett he dornah tietlevens an Asthma leeden; he muss deshalb 1930 sien Musikerberop upgeven.
Nah dat Oordeel vun Leonard Feather gellt Dutrey as en vun de führend Basuunisten ut sien Tiet.
Literatur ännern
- Ian Carr, Digby Fairweather & Brian Priestley: Rough Guide Jazz, Stuttgart, Metzler 2004 (2. Uplaag), ISBN 978-3-476-01892-2
- Leonard Feather and Ira Gitler, The Biographical Encyclopedia of Jazz. Oxford/New York, 1999, ISBN 978-0-19-532000-8