Horst Köppel

Horst Köppel (* 17. Mai 1948 in Stuttgart) is en ehmalger düütsch Footballspeler un hüüd Footballtrainer.

As Störmer weer he van 1966 bit 1979 för den VfB Stuttgart un Borussia Mönchengladbach aktiv. Mit de Borussia wurr he 1970, 1971, 1975, 1976 un 1977 Düütsch Meester. Buterdem wunn he mit de Gladbacher 1975 un 1979 den UEFA-Pokal. Dortüschen speel Köppel in' Sömmer 1976 un 1977 in de nordamerikaansch Profiliga NASL för de Vancouver Whitecaps.

In de Düütsch Football-Natschonalmannschap speel Köppel van 1968 bit 1973 elf Mal un hett dorbi twee Doren schaaten. Bi de Football-Europameesterschap 1972 stunn he ok in den Kader vun de düütsch Mannschap, keem aber nich to'n Insatz.

Nah sien Tiet hett he den 1. FC Viersen (as Spelertrainer), Arminia Builefeld, Bayer Uerdingen, Borussia Düörpm, Fortuna Düsseldörp un Borussia Mönchengladbach traineert. As Assistenztrainer weer Köppel todem bi den 1. FC Köln un Eintracht Frankfort instellt. Buterdem weer he as Trainer för den DFB aktiv (ünner annern bi de WM 1986). Mit Borussia Düörpm wurr he as Trainer 1989 DFB-Pokalsieger un folg an' 26. März 1992 up Hans-Jürgen Gede bi Fortuna Düsseldörp, wo Köppel oorsprünglich an' 30. Januar 1992 as Sportdirektor insteegen weer. Ünner sien Regie is Düsseldörp denn aber liekers afsteegen. An' 10. August 1992 wurr Köppel entlaaten un Aleksandar Ristic wurr an' 16. August 1992 sien Nahfolger.

Nah Trainerstatschonen in Öösterriek bi den FC Tirol Innsbruck un Japan (Urawa Red Diamonds) hett Köppel bi Borussia Düörpm en Verdrag as Talentscout ünnerschreven, up de en Engagement as Amateurtrainer vun den Vereen folg. Mit de Amateurmannschap vun den BVB steeg he 2002 in de Regionalliga Noord up un hett dat schafft mit disse ut meest blots Jöögspelers bestahn Mannschap in' Sömmer 2003 und Sömmer 2004 nich aftostiegen. To'n Sömmer 2004 hett Köppel denn in sien Wahnoort Mönchengladbach de free wurrn Trainerstäe bi de fortan as U23 beteken Amateurmannschaft vun sien Ex-Vereen Borussia Mönchengladbach övernommen, de siet den Upstieg ut de Verbandsliga ünner verscheeden Trainer (nahnanner: Norbert Meier, Holger Fach, Manfred Stefes) um den Regionalliga-Upstieg kämpen dee.

Nahdem Holger Fach as Trainer vun de Gladbacher Bundsliga-Lizenzelf entlaaten wurr, hett Köppel hüm van' 28. Oktober bit to'n 1. November 2004 as so nömmt Interimstrainer ersett un wunn sien eerst un eenzig Speel gegen den FC Bayern München mit 2:0. Rund een Week nah de Entlaaten vun Fack hett Mönchengladbach Dick Advocaat as neen Cheftrainer haalt.Köppel wurr denn weer Trainer vun de U23 vun de Borussia. Siet Advocaat sien Rückträe an' 18. April 2005 weer Köppel nochmals Interimscoach vun Borussia Mönchengladbach. Sien Nahfolger bi de U23 vun Borussia Mönchengladbach wurr Horst Wohlers, de ok all Assistent vun Köppel bi den Urawa Red Diamonds weer. An' 18. Mai 2005 ünnerschreev Horst Köppel en Tweejohresvertrag bi Borussia Mönchengladbach as Cheftrainer.

Knapp een Johr later, an’ 14. Mai 2006, hebbt sück Borussia Mönchengladbach un Horst Köppel vör de Tiet nah en Afsluss in de Speeltiet 2005/06 mit den 10. Tabellenplatz trennt. Dat weer de best Afslussplatzeeren vun de Borussia siet 1996 un bit to’n unverwachten veerten Platz in de Saison 2011/12.

An’ 5. August 2006 hett Köppel en Verdrag bi Al Wahda (Abu Dhabi), den amteeren Viez-Meester vun de Vereenigte Araabsche Emiraten ünnerschreven. Dor hemm se hüm aber ok all weer an’ 11. Oktober 2006 nah veer Plichtspelen (Bilanz: 1 Sieg, 3 Nedderlagen) entlaaten.

An’ 26. April 2009 wurr Horst Köppel as nee Trainer vun den afstiegbedrohten Tweetligisten FC Ingolstadt 04 vörstellt. He weer dormit Nahfolger vun Thorsten Fink.

Aber ok Köppel kunn de Daalfohrt vun de Schanzer nich mehr stoppen. An’ 14. Mai 2009 verlor Ingolstadt to Huus mit 0:1 gegen den FC St. Pauli un stunn dormit endgültig as Afstieger fast. Liekers hull man an Horst Köppel fast un wull mit hüm den direkten Wedderupstieg schaffen. Aber de Start in de Saison 2009/2010 leep ok man ehrder holprig an un so wurr Horst Köppel an’ 8. November 2009 nahdem man 0:2 to Huus gegen den Wupperdaler SV verloren harr, blots 2 Punkte achter den Tabellentweeten, vun sien Upgaven entbunnen un freestellt. Dat vun hüm tosommenstellt Team hett denn aber doch den direkten Wedderupstieg ünner sien Co-Trainer Michael Wiesinger schafft.

Weblenken

• Horst Köppel bi fussballdaten.de
• Horst Köppel bi transfermarkt.de
• Horst Köppel up kicker-online