Hotlegs

De Hotlegs weer en körtlevend Studio-Band ut Grootbritannien, de mit hör Song "Neanderthal Man" en Millionenseller (1970 UK Platz 2, DE Platz 4, AT Platz 7, CH Platz 3) schafft hett un weltbekannt wurr.

Angeblich wurr dat Leed blots upnommen, um dat Equipment in dat vun Eric Stewart un Graham Gouldman nee köfft "Strawberry Studio" to testen. Sämtlich Musiker harrn vörher all in anner Formatschonen speelt un wurrn nah dat Enn‘ vun den "Hotleg-Test" as 10cc bekannt un berühmt.

"Neanderthal Man" stamm ut de Penn vun Stewart, Lol Creme un Kevin Godley, de hüm schafft hebbt, as se in dat nee Studio an hör Musikinstrumenten rümklimpern deen. Dorbi entstunn ehder per Tofall de Refrain "I'm a Neanderthal Man - you're a Neanderthal girl - let's make Neanderthal love - in this Neanderthal world". En Mitarbeiter vun Philips Records hett tofällig mithört un hett 500 Pfund Sterling as Vorschuss anboden, um dat Lee das Platt ruttobringen. Dat Leed wurr denn över twee Million Mal verköfft.

De Titel vun den Song betruck sück den Neanderdaler, en Oortietminsch ut dat Pleistozän, de sien fossile Överresten 1856 in dat Neanderdal up dat Rebeet vun de Stadt Erkrath in Nordrhien-Westfalen funnen wurrn weern.

Dornah hebbt de Hotlegs noch twee anner Singles un en LP mit den Titel "Thinks: School Stinks" rutbrocht, harrn aber kien Spood mehr.

Weblenken

De Single Neanderthal Man mit Coverafbildungen in de engelsch Wikipedia